Jeremia 30:3 - KITABU KITAKATIFU

³ Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 30:3 ပူးပေါင်းရင်းမြစ်များ

Ezara 3:1

Na lwa gwa duka mweli gwegyi tano na gyiviri, navana va Israeli vosi va li mu madala, avandu va vugana halala mu Yerusalemi kuli mundu mulala.

Ezara 3:12

Navutswa vanyingi ku vasalisi, noku Valevi noku yavo ava li mitwe gyetsintrumba tsyavaguga, avasakulu ava li ni va lola inyumba yokutanga, lwa muse gwenyumba yiyi gwa temwa imbiri wetsimoni tsyavo, va lira nomwoyo munene; avalala vanyingi va hanzuka nobuyanzi:

Ezara 3:8

Kunangwa mu muhiga gwa kaviri gweliduka lyavo ha inyumba ya Nyasaye ha Yerusalemi, mu mweli gwa kaviri, hene yaho Zerubabeli mwana wa Shealitieli, na Jeshua mwana wa Jozadaku va tanga, navamwavo vavo vandi, avasalisi na Valevi, na vosi ava twula mu lyadi kidzwa kuduka Yerusalemi, na va tovola Valevi, ava duka mihiga ma kumi gaviri nokuvita, va duke kuva avalindi vemiyinzi gyenyumba ya Yahova.

Zaburi 126:4

Wirannye, O Yahova, lilanywa lyetu, Kuli migera gyekivala kya Kusini.

Zaburi 53:6

Nkano ubuhonnyi bwa Israeli bu twuli Zioni Inyinga Nyasaye yirannya lilanywa lya avandu veve, Hene yaho Yakobo a la sangala na Israeli a la va nobuyanzi.

Jeremia 16:15

navutswa, likuva yili li la volua, Kuli Yahova a veye mwoyo wa leta avana va Israeli kutwula ku kivala kya kasikasini, nokutwula mu vivala vyosi vya ya vadikidzira mu. Na nda va leta kandi mu kivala kyavo avene, kivala kya nda ha avaguga vavo.

Jeremia 23:5

Henze, madiku gadzanga, Yahova a vola, mugo nda singeridzira Daudi Kisibu kyobulungi, naye a lameha mwami na a la kola nobugeeri, na a la kola likalaga nobulungi mu kivala.

Jeremia 27:11

Navutswa ihiri i la vika ligoti lyavo isi wenira yomwami wa Babuloni, nokumutumekira, nda leka ihiri yiyi i menya mu kivala kyavo avene, Yahova a vola; navo va la ki lima, nokumenya mukyo.

Jeremia 27:22

Viju yivyo vi la hilwa Babuloni, navyo vi la va yo, kuduka ku lidiku lya ndi va luuta, Yahova a vola; hene yaho nda vi leta kandi, nokuvirannya hano.

Jeremia 29:10

Kigira Yahova a vola, Babuloni lwa li dukidzwa mihiga makumi gatano na gaviri, inze nda luuta mwinye, na nda mu dukidzira likuva lyange lilahi, kumwirannya hano.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 30:4

Na makuva ga Yahova ya vola ku makuva ga Israeli noku makuva ga Yuda, ni yaga.

Jeremia 31:16

Yahova a vola ndi: U gaye mwoyo gugwo gu vule kulira, netsimoni tsitsyo tsi vule kwidoola maliga; kigira miyinzi gyigyo gyi la tungwa amadanyi gagyo, Yahova a vola; va ladza kandi kutwula mu kivala kyavasigu.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 31:27

Henza, madiku gadzanga, Yahova a vola, mu madiku yago, nda midza inyumba ya Israeli nenyumba ya Yuda ubugutsa bwomundu, nobugutsa bwemitugu.

Jeremia 31:31

Henza, madiku gadzanga, Yahova a vola, mu madiku yago nda kola lilagana lihya nenyumba ya Israeli, halala nenyumba ya Yuda:

Jeremia 31:38

Henza, amadiku gadzanga, Yahova a vola, mu madiku yago lidala li lombakirwa Yahova kutwula ku kitaradzi kya Hananeli kuduka ku kiribwa kyekona.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 32:44

Avandu va la gula milimi nefetha, nokung'oda ameta ku tsibaruwa, nokutsivika mihuri nokulanga avaloli, mu kivala kya a Benjamini, na hosi kutsimbega tsya Yerusalemi, nomu madala ga Yuda, nomu madala gekivala kyevigulu, nomu madala gekivala kyekereremu, nomu madala ga Kusini: kigira inze ndirznnya lyadikidzwa lyavo, Yahova a vola.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 51:60

Na Jeremia ya ng'oda mu kitabu ubudamano bwosi bu li duka ku Babuloni, makuva yaga gosi aga ng'odwa ku Babuloni.

Ezekieli 20:42

Na mu la manya mbeye Yahova, lwa nda mala kumuleta mu kivala kya Israeli, mu kivala kya nda mwisuhira nda ha avadada venyu.

Ezekieli 34:13

Na nda ga twulidza mu avandu, nokugavungidza ga twule mu vivala yivyo, na nda ga vika mu kivala kyago kyene; na nda gaya mu vigulu vya Israeli, himbi nemigerera gya madzi, na hosi mu kivala kyavandu va menya mu.

Ezekieli 36:24

Kigira nda vugula mwinye hagati hetsihiri, na nda mu vungidza kutwula mu vivala vyosi, na nda mu leta mu kivala kyenyu avene.

Ezekieli 47:14

Na mwinye mu la ki nyola kuva miyandu, mulala kuli wundi; kigira ndisuha kukyo kukihaana ku vaguga venyu: nekivala yiki ki la va ku mwinye kuva miyandu gyenyu.

Joeli 3:1

Kigira, henza, mu madiku yago, na inyinga yeyo, lwa ndirannya lyadikidzwa lye Buyuda na lye Yerusalemi,

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Zefania 3:20

Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.

Luka 17:22

Kandi ya volera avegidzwi veve, Amadiku ga ladza lwa mu lenya kulola lidiku lilala ku madiku go Mwana wa Adamu, si mu li li lola.

Luka 19:43

Kigira madiku ga li duka ku ive, gavasigu vovo va li ku kumbiridza nolugaga, kandi va li vodonkana, kandi va li kwigalira ha tsimbega tsyosi,

Luka 21:6

Ku vya mu lolanga, amadiku ga la duka, mu yago ligina lilala si li li tigala ku lindi hano, li ta tsomwa hasi.

Kwidzulitsa 30:3

hene yaho Yahova Nyasaye wowo a la girunkanya lilanywa lilyo, na a la ku vera tsimbabasi, kandi a lirana kukuvungidza mu tsihiri tsyosi, ha Yahova Nyasaye wowo ya ku salanya.

Kwidzulitsa 30:5

na Yahova Nyasaye wowo a la ku leta mu kivala kyavaguga vovo va gumira, na ive u la ki gumira; na a la ku kolera bulahi, nokukukola u ve vanyingi kuvita avaguga vovo.

Vahebraina 8:8

Kigira mu livola ubugeheru kuvo, a vola, Henzi, amadiku gadzanga, Mwami a vola, Ga inze nda lombera inyumba ya Israeli nenyumba ya Yuda, lilagana lihya;