Jeremia 30:19 - KITABU KITAKATIFU

¹⁹ Kandi kuvo lisantidzwa li la hulirwa, na mwoyo gwa yavo ava sangalanga: na nda va meda, na si va la va avakekeke rnba; kandi nda va kuminya, navo si va la va avake mba.

Jeremia 30:19 ပူးပေါင်းရင်းမြစ်များ

Ezara 6:22

nokulomba lisavo lyobukima bu ta li namamera nobu sangali, madiku gatano na gaviri: kigira Yahova ya va sangalidza, nokugirunkannya mwoyo gwomwami wa Asuria gu yeke kuvo, a duke ku dinyeridza makono gavo ku miyinzi gyenyumba ya Nyasaye, Nyasaye wa Israeli.

Nehemia 8:12

Navandu yavo vosi va tsia va duke kulia, nokunwa, nokullaanirana vidieli, nokukola isango ligali, kigira va manya makuva aga vilwadzirwa.

Nehemia 8:17

Na livugana yilyo lyosi lirana kutwula mu lyadikidzwa lyavo, va lomba madiri, agetsisya, na va menya mu madiri getsisya; kigira kutwula madiku ga Joshua mwana wa Nun kuduka lidiku yilyo, avana va Israeli va vula kukola yaga. Na ubusangali bunene bwa li ho.

Zaburi 53:6

Nkano ubuhonnyi bwa Israeli bu twuli Zioni Inyinga Nyasaye yirannya lilanywa lya avandu veve, Hene yaho Yakobo a la sangala na Israeli a la va nobuyanzi.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 26:15

Ive wa meda ihiri, O Yahova, wa meda ihiri; ive u kuminywa; wa nenehidza tsinzako tsyosi tsyekivala.

Isaya 27:6

Mu madiku gadzanga Yakobo a likidza imiri; na Israeli a la lavidza kimuli nokusibuka: na va lizulitsa mmoni mwelirova makuyu.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 52:9

Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Isaya 60:22

Mukekeke a la gwa elfu, na mulala mukekeke a la va ihiri yetsingulu: Inze, Yahova, nda kola bwangu inkuva yiyi ku inyinga yayo.

Isaya 60:9

Ligali visulu vi la ni ndirira, na amato ga Tarshishi ga limirira, ga duke kuleta avana vange avayai kutwula ihale, ifetha yavo nethahabu yavo va la va navyo, vi ve vyelieta lya Yahova Nyasaye wowo, na vya Mutakatifu wa Israeli, kigira a kuminyi ive.

Jeremia 17:26

Na va la twula mu madala ga Yuda, nokutwula hosi ku tsimbega tsya Yerusalemi, nokutwula mu kivala kya Benjamini, nokutwula mu kivala kyekereremu, nokutwula mu kivala kyevigulu, nokutwula ku luvega lwa Kusini, va letanga vihaanwa vyokusambwa, na visyuviriru, na vihaanwa vyelisantidza, va vi leta kuduka mu inyumba ya Yahova.

Jeremia 3:16

Na ga la duka, lwa mu medeka kuva vanyingi mu kivala, Yahova a vola, mu madiku yaga, si va la vola kandi, Lisanduku lyamalago ga Yahova; kandi si li lingira mu mwoyo; kandi si va la li luta; kandi si li la lombwa kandi.

Jeremia 31:27

Henza, madiku gadzanga, Yahova a vola, mu madiku yago, nda midza inyumba ya Israeli nenyumba ya Yuda ubugutsa bwomundu, nobugutsa bwemitugu.

Jeremia 31:4

Hali kaviri nda kwombaka, na ive u lombakwa ive mukana mugima wa Israeli kandi u la syafwa netsisugudi tsitsyo, na u la twulira mbukino bwa yavo ava kinanga.

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Ezekieli 36:37

Mwami Nyasaye a vola ndi: Kandi kigira inkuva yiyi inyumba ya Israeli i la teva inze, mba kolere: nda va meda navandu kuli kyayo kyamagondi.

Ezekieli 37:10

Ma nda profeta kuli ya ndaga, nomwika gwingira muvyo navo va li mwoyo, nokusingira nevirenge vyavo, lihe linene ligali.

Ezekieli 37:26

Kandi nda kola lilagana lyemirembe halala navo; li la va lila gana lyemihiga nemihiga halala navo; nda va vika bulahi, nokuvameda, nda singeridza hatakatifu hange hagati havo mihiga nemihiga.

Zekaria 10:8

Nda va langira, nokuvavungidza; kigira mba tungiye; navo va la medeka kuli va medeki.

Zekaria 12:8

Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Zekaria 2:4

na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo.

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Yohana 17:22

Kandi ubukumi bwa wa mpa, inze mmali kuvaha; va duke kuva kindu kilala, kuli kwinye ku veye kindu kilala;

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.