Jeremia 30:18 - KITABU KITAKATIFU

¹⁸ Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 30:18 ပူးပေါင်းရင်းမြစ်များ

1 Kyetsinyinga 29:1

Na Daudi mwami ya volera livugana lyosi makuva yaga Mwana wange, Solomoni, wa Nyasaye ya tovola yeng'ine, a kikiri mwana, mudoto, na miyinzi gyi veye minene; kigira inyumba yobwami yiyi si i veye yomundu, navutswa i veye ya Yahova Nyasaye.

1 Kyetsinyinga 29:19

na u he Solomoni mwana wange mwoyo mudukiru, a duke kugumira lilagana lilyo, nelilolekidza lilyo, namalago gogo, nokukola vindu yivi vyosi, nokwombaka inyumba yobwami yiyi, ya nda vikira akiba yiyi.

Nehemia 7:4

Kunangwa lidala lya li nobugalamu nobubunene; navutswa avardu va li mulyo va li vakekeke, netsinyumba tsya li ni tsi kikiri kwombakwa.

Zaburi 102:13

U la singira kuvererera Zioni; Kigira inyinga yokumuvererera i duki Yee, inyinga ya lagwa i mali kuduka.

Zaburi 102:14

Kigira avatumekiri vovo va yanzidzeywi namagina gege, Va vererera ulugukyi lulwo.

Zaburi 122:7

Mirembe gyi ve mu madigi gogo, Nobugasu mu tsinyumba tsitsyo tsyobwami.

Zaburi 48:13

Mu henze bulahi tsingaga tsyalyo; Mu ganagane tsinyumba tsitsye tsyobwami: Mu duke kuvolera visukululwi vidzanga.

Zaburi 48:3

Nyasaye yekoli mwene kumanyekana mu tsinyumba tsyobwami tsitsye, kuva hokwivisa mu.

Zaburi 78:69

Na yombaka hatakatifu hehe kuli tsisonga tsye vigulu, Kuli lirova lya ya lomba muse mihiga nemihiga.

Zaburi 85:1

O Yahova wa vera tsimbabasi kivala kikyo; Wiranyi lilanywa lya Yakobo.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 29:11

Kigira mmanya tsiganagani tsya nganagananga ku mwinye, Yahova a vola, tsi veye tsiganagani tsyemirembe, si tsi veye tsiganagani tsyobudamano mba, kumuha kisuuviri mmadiku genyu gekiheri.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 31:38

Henza, amadiku gadzanga, Yahova a vola, mu madiku yago lidala li lombakirwa Yahova kutwula ku kitaradzi kya Hananeli kuduka ku kiribwa kyekona.

Jeremia 31:4

Hali kaviri nda kwombaka, na ive u lombakwa ive mukana mugima wa Israeli kandi u la syafwa netsisugudi tsitsyo, na u la twulira mbukino bwa yavo ava kinanga.

Jeremia 31:40

Na livona lyoii lyemibiri mikudzu, nelyeligoke, nemilimi gyosi kuduka ku mugera gwa Kidiron, kuduka ku ikona yekiribwa kyetsiparasi ku luvega lwevugwe, li la va litakatifu ku Yahova; li la vula kwifwa kinga kusambulwa kandi mihiga nemihiga.

Jeremia 32:15

Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

Jeremia 32:44

Avandu va la gula milimi nefetha, nokung'oda ameta ku tsibaruwa, nokutsivika mihuri nokulanga avaloli, mu kivala kya a Benjamini, na hosi kutsimbega tsya Yerusalemi, nomu madala ga Yuda, nomu madala gekivala kyevigulu, nomu madala gekivala kyekereremu, nomu madala ga Kusini: kigira inze ndirznnya lyadikidzwa lyavo, Yahova a vola.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Jeremia 46:27

Navutswa u ta tia mba, O Yakobo mutumekiri wange, kandi u ta timuka inkolo, O Israeli: kigira, henza, nda ku honnya kutwula ihale ligali, nekisukululwi kikyo ki twule mu kivala kyobutugwa bwakyo; na Yakobo a lirana, naye a lehodzeridza nokusosa, kandi si ha veye nowoku mutihidza.

Jeremia 49:39

Navutswa ga la va mmadiku gekiheri, ndirannya kandi lyadikidzwa lya Elam, Yahova a vola.

Jeremia 49:6

Navutswa lwenyima nda girunkannya kandi lyadikidzwa lyavana va Amoni, Yahova a vola.

Ezekieli 36:11

na nda meda ku mwinye avandu nemitugu; navo va la medeka nokwivula, na nda kola ha menywe navandu kuli liva lyenyu lyoku matsvambiri, nokukolera mwinye ubulahi kuvita litanga lyenyu lyoku matsyambiri: na mu la manya inze mbeye Yahova.

Amosi 9:14

Na nda galukidza kandi lyadikidzwa lyavandu vange Israeli, navo va lombaka madala aga ng'anywa, nokumenya mugo; na va la taga milimi gyemizabibu, na va la nwa iwaini yagyo; na va la lomba milimi, na va la lia makuyu gagyo.

Zekaria 1:12

Hene yaho ingelosi wa Yahova ya tivula na a vola, O Yahova wa mahe, kuduka inyinga ki ive u la sula kuvererera Yerusalemi na madala ga Yuda, aga u veye nobutima kugo mihiga yigyi makumi gatano na gaviri?

Zekaria 1:16

Kigira yaga Yahova a vola: Mmali kwirana ku Yerusalemi netsi mbabasi; inyumba yange i lombakwa mulyo, Yahova wa mahe a vola, nomugoye gu la nyirwa ku Yerusa lemi.

Zekaria 12:6

Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.

Zekaria 12:7

Kandi Yahova a la tanga ku honnya maherna ga Yuda, kuduka ubukumi bwenyumba ya Daudi na ubukumi bwa yavo ava menya Yerusalemi bu vule kwidzo minywa kuvita bwa Yuda.

Zekaria 14:10

Na kivala kyosi ki la girunkannya kuli kivala kereremu, kutwula Geba kuduka Rimon ku luvega lwa kusini wa Yerusalemi; na li la gingwa igulu, nokumenya habugono halyo, kutwula ku kiribwa kya Benjamini kuduka ku kiribwa kyokutanga, kuduka ku kiribwa kyolwiga, nokutwula ku kitaradzi kya Hananeli kuduka ku vyokumina iwaini vyomwami.