Jeremia 30:17 - KITABU KITAKATIFU

¹⁷ Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 30:17 ပူးပေါင်းရင်းမြစ်များ

Ayubu 5:18

Kigira uyu a saliridzanga, kandi a bohereranga; Yatanga ulugoma nomukono gwi gwe gu honnyanga.

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Zaburi 107:20

A tuma likuva lilye, na a va honnya Kandi a va twulidza mu lidividzwa lyavo.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 142:4

U henze ku mukono gwange mulungi, na u lole; Kigira si ha veye mundu u manya inze: Hokuhonera ha goti ku inze Si ha veye nomundu a lindanga mwoyo gwange.

Zaburi 23:3

A lomba mwoyo gwange: A nzimirira mu tsinzira tsyobulungi kigira lieta lilye.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 33:24

Na uyu u menyanga yo si a la vola, mbeye mulwaye avandu va menyanga mu va la sarne fwa ubwoni bwavo.

Isaya 54:6

Kigira Yahova u ku langi kuli mukali wa lekwa nokuvereridzwa mmwoyo, kuli mukali musuhya, inyinga a kungangwa, Nyasaye wowo a vola.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 58:8

Hene yaho ubulavu bubwo bu la kya kuli mugamba, na lihonywa lilyo li la sebuka bwangu: nobulungi bubwo bu limirira imbiri wowo; nobukumi bwa Yahova bu la ku londa.

Isaya 60:15

Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Jeremia 10:20

Lihema lyange li lanyeywi, migoye gyange gyosi gyi kaliki: avana vange va tsiye va ndeki, si va veye ho mba: si ha veye nomundu u mambuliye lihema lyange kandi, nokusunga tsi ngubo tsyokukinga tsyange.

Jeremia 17:14

U mbonnye, O Yahova, na nda hona; u mbonnye, na nda hona: kigira ive u veye lidzominywa lyange.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 30:13

Si ha veye nomundu a ku sola, u duke kulwalidzwa, si u veye netsinyasi tsyokuhonnya.

Jeremia 33:24

Ive si u ganagana likuva lyavandu yava va vola, ni va vola, Ubwiko buviri yibu bwa Yahova ya tovola, u bu teye? Ni ndiyo va leganga avandu vange, va vule kuva ihiri kandi imbiri wavo.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Jeremia 8:22

Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?

Lisyoma lya Jeremia 2:15

Vosi ava vitanga va ku kong'ondera makono; Va kunukanga, va sung'usanga mitwe gyavo ku mukana wa Yerusalemi, ni va vola, Lidala yili nilyo lya langwa, Umudukiru wobulahi, busangali bwelirova lyosi?

Ezekieli 34:16

Ndenya lya gota, nokuleta kandi lya kungwa, nokuboherera lya vunika, nokuha tsingulu lya kenya, na manetu na getsingulu nda ga dividza; nda ga lihidza mu likalaga.

Ezekieli 35:12

Na ive u la manya inze, Yahova, mbuliye amanyego gogo gosi aga u volanga ku vigulu vya Israeli, na u vola, Vya lekwa hatswa, ku hebeywi ku duke kuvilia.

Ezekieli 36:20

Na lwa va duka ku tsihiri, tsya va tsia ku, vononnya lieta lyange litakatifu: kigira avandu va vola ku makuva gavo, Yava navandu va Yahova, va twula mu kivala kikye.

Hosea 11:3

Navutswa ndegidza Efiraim kugenda nevirenge; nda mu gingira mma kono gange; navutswa si va manya inze nda va honnya.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

Likunula 22:2

hagati henzira yalyo. Kandi ku luvega yili lwomugera zana noku luvega yilwo gwa li ho musala gwelivamwoyo, gwamanga makuyu ting'ano likumi na tsiviri, gwamanga makuyu gagwo ku mweli nomweli: kandi amatu gomusala zana ga veye gokuhonnya tsihiri.