Jeremia 30:15 - KITABU KITAKATIFU

¹⁵ Kigira ki u liranga ku lisalira lilyo? Ubusaliri bubwo si bu nyala kuhonywa; kigira ubunene bwobudamano bubwo, kigira ubwoni bubwo bu medeki, nku koleye vindu yivi.

Jeremia 30:15 ပူးပေါင်းရင်းမြစ်များ

Ezara 9:13

Nenyima wa yaga aga ku gwira kigira vikolwa vyetu vidamano, na kigira mahyolo getu manene, kigira ive Nyasaye wetu wa ku ha mageli navutswa si ga li kuli ubudamano bwetu bu dukanga mba, na wa ku lekera ava tigala kuli yava,

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Ayubu 34:6

Kali ubulungi bwange ni bu veye ho, mbalidzeywi kuua mubehi; Ingwagu yange si i nyala kuhonywa, kali mbeye bugira mahyolo.

Zaburi 107:17

Avasiru kigira bwebaali bwavo, Na kigira mahyolo gavo, va nyola lidambidzwa.

Isaya 1:6

Kutwula ku induvatiru kuduka ku mutwe si ha veye nobulamu mba; navutswa tsing'oma, nobukinduki, netsinkwagu: na vi vuli kubohererwa, na vi vuli kunazwa, na vi vuli kuvakwa namaguta.

Isaya 5:2

naye ya ki lima, nokutwulidza magina gakyo, nokusimika mu muzabibu mulahi kuvita gyosi, nokwombaka kitaradzi hagati hakyo, nokuyava mu kiminiru kyewaini: na a henzerera gwame mazabibu, navutswa gwama mazabibu gomulitu.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 15:18

Kigira ki lisalira lyange li tsitsagil'langa madiku gosi, nolugoma lwange, kigira ki si lu nyala kuhonywa, lwa sula kuhonywa? Iigali ive u la va ku inze kuli kisenukiru kyamadzi ki gadanga, kuli amadzi ga kamanga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 30:12

Kigira Yahova a vola, Lisalira lilyo si li nyala kuhonywa, ulugoma lulwo lu medi ligali.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Jeremia 30:16

Kunangwa kigira yaga vosi ava lia ive navo va la libwa; navasigu vovo vosi, sa mulala a la hilwa mbuhambe; na yava ava lanyanga ive va la lanywa, na yavo vosi ava vugulanga ive ku va muhambe, nda va haana navo kuva avahambe.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 46:11

Yanegira u tsie Gileadi, u nyole lunyasi O mukana mugima wa Egepeti: ive u tumekiranga tsinyasi tsinyingi vutswa; si ha veye neliho nnywa ku ive.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Lisyoma lya Jeremia 1:5

Ava mu dambidzanga va gwiye mutwe, avasigu veve va gasidzeywi; Kigira Yahova u mu vereridzi kigira ubunyingi bwa mahyolo gege: Avana vadoto veve va hileywi mu lyadikidzwa imbiri womudambidzi.

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Lisyoma lya Jeremia 3:39

Kigira ki mundu u veye mwoyo a monyanga, umundu ku lihebwa mageli ku ubwoni bwibwe?

Lisyoma lya Jeremia 4:13

Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

Mika 1:9

Kigira tsing'oma tsitsye si tsi nyala kuhona; kigira ga duki kali Buyuda; ga duki ku kiribwa kyavandu vange, kali ku Yerusalemi.

Mika 7:9

Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe.

Nahum 3:19

Lugoma lulwo lukutsunanga si lu nyala kuhonnywa; lugoma lulwo lu veye nobululu ligali: vosi ava huliranga makuva gogo va kong'onda makono ku ive; kigira ni bwaha wobudamano bubwo bwa vula kuvita kuye kazozo?