Jeremia 30:12 - KITABU KITAKATIFU

¹² Kigira Yahova a vola, Lisalira lilyo si li nyala kuhonywa, ulugoma lulwo lu medi ligali.

Jeremia 30:12 ပူးပေါင်းရင်းမြစ်များ

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Jeremia 14:17

Na ive u la va volera likuva yili, Tsimoni tsyange tsi ganguluke amaliga mbasu nobudiku, tsi vule kuleka; kigira mukana wa avandu vange mugima wononnyeywi lyoneka linene, nolugoma lwokusaliridza ligali.

Jeremia 14:19

Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

Jeremia 15:18

Kigira ki lisalira lyange li tsitsagil'langa madiku gosi, nolugoma lwange, kigira ki si lu nyala kuhonywa, lwa sula kuhonywa? Iigali ive u la va ku inze kuli kisenukiru kyamadzi ki gadanga, kuli amadzi ga kamanga?

Jeremia 30:15

Kigira ki u liranga ku lisalira lilyo? Ubusaliri bubwo si bu nyala kuhonywa; kigira ubunene bwobudamano bubwo, kigira ubwoni bubwo bu medeki, nku koleye vindu yivi.

Jeremia 6:7

Kuli kidaho ki senukidza amadzi gakyo manyingi, ni ndiyo lidala yili li senukidza ubudamano bwalyo: kirage neli lanya vi huleywi mulyo; ubulwaye netsing'oma vi veye imbiri wange kazozo.

Jeremia 8:22

Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Ezekieli 37:11

Hene yaho ya mbolera, Ive mwana womundu, vigumba yivi vi veye inyumba yosi ya Israeli: henza va vola, Vigumba vyetu vi veye viyumu, na lisuuviridzwa lyetu li goti; ku dividzwi ligali.

Hosea 5:13

Lwa Efiraim a lola ubulwaye bwibwe, ka ndi Yuda lwa a lola litumite lilye, hene yaho Efiraim ya tsia Asuria, na ya tuma avandu ku mwami Jarebu: navutswa si a nyala kuhonnya mwinye, kandi si a nyala kuhonnya litumite lyenyu.

Mika 1:9

Kigira tsing'oma tsitsye si tsi nyala kuhona; kigira ga duki kali Buyuda; ga duki ku kiribwa kyavandu vange, kali ku Yerusalemi.

Nahum 3:19

Lugoma lulwo lukutsunanga si lu nyala kuhonnywa; lugoma lulwo lu veye nobululu ligali: vosi ava huliranga makuva gogo va kong'onda makono ku ive; kigira ni bwaha wobudamano bubwo bwa vula kuvita kuye kazozo?