Jeremia 30:11 - KITABU KITAKATIFU

¹¹ Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 30:11 ပူးပေါင်းရင်းမြစ်များ

2 Samweli 24:12

U tsie u volere Daudi, Yahova a ku volera, Mbika imbiri wowo vindu vivaka: tovola kilala kuvyo, nduke kukukolera.

Zaburi 6:1

O Yahova u ta ng'ondokera mbutima bubwo, Kandi u ta ngerihidza mu budunyi bululu bubwo.

Kutwula 34:7

u hedzanga avandu tsielfu liverererwa, musamehi wobudamano, na mahyolo nobwoni; na a la vula kuvola kali hakuzuzu, mudamano a veye mulahi, na wokuvika ubwoni bwavadada ku avana, noku avana va avana, ku likula lya gavaka noku lya gane.

Isaya 43:25

Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.

Isaya 8:10

Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Jeremia 10:24

O Yahova, u mbe amageli, navutswa ku bulungi; ga ta va ku butima, gase u la ngehidza.

Jeremia 15:20

Nda kola ive u ve lidigi lyolugaga lwomugasa ku vandu yava; navo va la lwana nive, navutswa va la vula kukuguuta: kigira mbeye halala nive kukutungira nokukuhonnya, Yahova a vola.

Jeremia 4:27

Kigira Yahova a vola ndi Kivala kyosi ki la va vutswa, halala na yaga si nda ki mala ligali.

Jeremia 5:10

Mu nine ku madigi gege, mu dividze; navutswa mu ta dividza ligali: mu twulidze tsisya tsyalyo; kigira si tsi veye tsya Yahova.

Jeremia 5:18

Navutswa mu madiku yago, Yahova a vola, Si nda heridza mwinye ligali mba.

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Ezekieli 11:13

Na ga duka, lwa nda profeta, Pelatia mwana wa Benaia ya kudza. Hene yaho nda gwa hasi mammama, na nda hanzuka nomwoyo munene, ni mbola, O, Mwami Nyasaye u la heridza ligali litigala lya Israeli?

Ezekieli 6:8

Navutswa nda tigalidza litigala, li vola li veye mu la va na valala va li hona ku kivavi mu tsihiri, lwa mu li salannywa mu vivala ihale nehale.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Kyavalevi 26:44

Navutswa ku yaga gosi, lwa va veye mu kivala kya vasigu vavo, inze si nda va sula ligali, kandi si nda va lega, kuduka va dividzwe ligali, nokwononya lilagana lyange navo; kigira inze mbeye Yahova Nyasaye wavo;

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Vikolwa 18:10

kigira mbeye nive halala, si ha veye nomundu u lidza ku ive kukwononnya: kigira mbeye navandu vanyingi mu lidala yili.

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

2 Timoteo 4:22

Mwami a ve na roho gugwo. Tsimbabasi tsi ve na ive.