Jeremia 30:10 - KITABU KITAKATIFU

¹⁰ Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 30:10 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Isaya 14:3

Na ga la duka mu lidiku yilyo lya Yahova a ku sosidza ku liverera lilyo, noku litihidzwa lilyo, noku butumekiri budinyu bwa wa tumekirwa,

Isaya 35:9

King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 44:1

Navutswa kalunu u hulire o Yakobo mutumekiri wange na ive Israeli, wa ntovoye:

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 46:11

nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 49:12

Henza, yava va la twula ihale, na yava va la twula ku tsimbega tsya kasikasini, noku tsimbega tsya madioli; na yava kutwula mu kivala kya Sinim.

Isaya 49:25

Navutswa Yahova a vola, Kali avahambe vomuluviriri va la twulidzwa, nevilanye vya yavo ava tihidzanga vi la honywa; kigira inze nda hing'ana na uyu u hing'ana nive, na nda honnya avana vovo.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 23:4

Na nda singeridza kuvo avayi, avokuvaya; na si va la tia kandi, kinga kutimuka enkolo, kandi si ha la va nomulala u gota, Yahova a vola.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 23:8

navutswa va la vola, Kuli Yahova a veye mwoyo wanegiridza nokwimirira kisukululwi kyenyumba ya Israeli kutwula mu kivala kya kasikasini, nokutwula mu vivala vyosi vya nda va hila mu. Na va la menya mu kivala kyavo avene.

Jeremia 29:11

Kigira mmanya tsiganagani tsya nganagananga ku mwinye, Yahova a vola, tsi veye tsiganagani tsyemirembe, si tsi veye tsiganagani tsyobudamano mba, kumuha kisuuviri mmadiku genyu gekiheri.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 30:7

O bayaye kigira lidiku yilyo li veye linene, si ha li nelindi li fwana nalyo: li veye inyinga yekivi kya Yakobo; navutswa a la honywa kuyo.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Ezekieli 16:52

Ive kandi u ginge tsisoni tsitsyo mwene, kuli wa kalagira avamwavo vovo: ku ubwoni bubwo bwa wa kola bwokuvihiriridza kuvita yavo, yavo va gwiye avobulu ngi kuvita ive; yee, na ive u ve isoni u ginge tsisoni tsitsyo, kuli wa ha amwavo wowo ubulungi.

Ezekieli 38:11

na u la vola, Ndanegira ku kivala kyotu dala tu ta li netsingaga; nda tsia ku yava ava veye mu busosi, avamenya nemirembe, vosi va menya bugira tsingaga, na ava ta veye nemiluguyu kinga viribwa;

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Hosea 2:20

Na nda ku kwa mbusuuvirifu; na u la manya Yahova.

Hosea 6:11

Kandi O Yuda, ligesa li lageywi ku ive, lwa nzirannya kandi lilanywa lyavandu vange.

Joeli 2:21

Ive kivala, u ta tia mba, mu yanze na mu sangale; kigira Yahova u koli miyinzi minene.

Mika 4:9

Kalunu kigira ki u kupanga tsikwili? Si ha veye nomwami mu ive, muvoli wowo wa diva, u luhe u gimiywi nelilumwa kuli mukali wivulanga?

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.

Yohana 12:15

U ta tia, Mkana wa Zioni: henza, Mwami wowo udzanga, wikaye ku kimoli kyesukiri.