Jeremia 3:8 - KITABU KITAKATIFU

⁸ Na nda lola, lwa nda li ni mmu leki nokumuha ibaruwa yokulekwa, kigira agene yaga, Israeli yirana inyima kuheya, Yuda amwavo wewe wobugadi si ya tia mba; navutswa uyu kandi ya tsia na a londa malaya.

Jeremia 3:8 ပူးပေါင်းရင်းမြစ်များ

2 Kyetsinyinga 21:11

Kuvita yaga ya lomba hadigu luku mu vigulu vya Buyuda, na ya vika netsingulu ava menya Yerusalemi mu buheyi, na a kyaminya Vayuda.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 33:24

Ive si u ganagana likuva lyavandu yava va vola, ni va vola, Ubwiko buviri yibu bwa Yahova ya tovola, u bu teye? Ni ndiyo va leganga avandu vange, va vule kuva ihiri kandi imbiri wavo.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Ezekieli 16:46

Na amwavo wowo munene niye Samaria, u menyanga ku luvega lwo mukono mmosi, uyu navakana veve; na amwavo wowo muke, u menyanga ku luvega lwomukono mulungi, niye Sodoma navakana veve.

Ezekieli 16:47

Navutswa ive si u gendanga ku tsinzira tsyavo, kandi si u koli kuli kivihiri kyavo, navutswa inkuva yiyi ni i Da ya li inkekeke, wa li ni woneka kuvita yavo mu tsinzira tsitsyo tsyosi.

Ezekieli 16:51

Na Samaria si ya kola kuli inusu yobwoni bwa ive wa kola; navutswa ive wa meda kivihiri kikyo kuvita yavo, na wa haana ubulungi ku vamwavo vovo ku kivihiri kikyo kyosi kya wa kola.

Ezekieli 23:44

Navo vingira kuye, kuli vingiranga ku wamalaya: ni ndiyo vingira ku Ohola, noku Oholiba, avakali vetsiganagani tsindamano.

Ezekieli 23:9

Kunangwa inze nda mu vika mu makono ga vayanze veve, mu makono ga Asuria, ava ya yanza.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Kwidzulitsa 24:1

Lwa mundu a hila mukali, na a mu serera, na a vula kunyola bugasu mu tsimoni tsitsye, kigira u loli kuye kindu ki ta dukana, a mu ng'odere ibaruwa yokwavukana, a mu vikire mmukono gwigwe, nokumutwulidza mu inyumba yeye.

Kwidzulitsa 24:3

Ni va musatsa wenyima uyu a mu dunyira, a mu ng'odere kandi ibarwa yokwavukana, nokumbikira mmukono gwigwe, nokumutwulidza mu inyumba yeye; kinga musatsa wenyima uyu na a kudza, wa mu vugula kuva mukali wewe;