Jeremia 3:25 - KITABU KITAKATIFU

²⁵ Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 3:25 ပူးပေါင်းရင်းမြစ်များ

Zaburi 106:6

Ku koli ubwoni halala navadada vetu, Kwoni na ku koli ubudamano.

Zaburi 106:7

Vaguga vetu si va mannya vikolwa vivyo vyokugenya mu Egepeti; Si vidzulitsa ubunyingi bwetsimbabasi tsitsyo, Navutswa vebaalira ha inyanza, kali ha Inyanza Inzakanyu.

Zaburi 109:29

Avasigu vange va vikwe lilegwa kuli ingubo, Na vekunike avene netsisoni tsyavo kuli ingubo.

Tsing'ano 13:18

Ubudaka na tsisoni vi la va kidieli kya uyu u sulanga lihebwa amageli; Navutswa uyu u huliranga lyegidzwa a lidzominywa.

Tsing'ano 5:13

Kandi si nda hulira mwoyo gwa avegidzi vange, Kandi si nda tegidza ugutu gwa nge ku yavo ava nyimirira

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 12:13

Va tagi ingano, na va gesa amafwa; vesaliridza avene, si va nyolanga madanyi: va la va isoni mu makuyu genyu, kigira ubutima bululu bwa Yahova.

Jeremia 14:20

O Yahova, kweyama ubudamano bwetu, nobudamano bwavaguga vetu; kigira kwa kolera ive ubwoni.

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 2:26

Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

Jeremia 20:18

Kigira ki nda twula munda kulola kivi no ubuvereri, na madiku gange ga dive mu tsisoni?

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 31:19

Ligali inyima weligirunkanywa lyange, ndeganira; nenyima weliyegidzwa lyange, ndekong'onda kwitango: na nda li netsisoni, yee, kali ku timuka inkolo, kigira nda li ni ng'ingi linyegwa lyobusoleli bwange.

Jeremia 6:26

O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

Jeremia 7:19

Yava va mbihiriridza naho? Yahova a vola; si va li avene avevihiriridza, kuduka ku tsisoni tsyomumoni mwavo?

Jeremia 8:14

Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

Jeremia 9:18

navo va kole bwangu, nokutanga lisyomera kwinye, tsimoni tsyetu tsi duke kwidoola amaliga, vigohe vyetu vi senuke amadzi.

Lisyoma lya Jeremia 5:16

Itaji yaguluki kutwula ku mitwe gyetu: O bayaye ku kwinye kigira ku koli ubwoni.

Lisyoma lya Jeremia 5:7

Avaguga vetu va kola ubwoni, na si va veye ho; Na kwinye ku gingi budamano bwavo.

Ezekieli 2:3

Na ya mbolera, Ive mwana womundu, inze nku tumanga u tsie ku avana va Israeli, ku tsihiri tsyebaala, tsyebaala ku inze; yava na vaguga vavo va hyola ku inze kuduka lidiku lya lero.

Ezekieli 36:32

Si nda kola yaga kigira mwinye, Mwami Nyasaye a vola, mu manye yaga: mu ve soni na mu timuke inkolo kigira tsinzira tsyenyu, O inyumba ya Israeli.

Ezekieli 44:13

Na si va lisunda ahimbi ku inze mba, ku ntumekira mu butumwa bwobusalisi kandi si va lisunda ahimbi ku vindu vyange vitakatifu, vi veye vitakatifu ligali; navutswa va la ginga tsisoni tsyavo avene, na kivihiri kyavo kya va kola.

Ezekieli 7:18

Kandi va leboha tsingubo tsyamagunia mu vi kenge vyavo, nelitihidza li la va kunika; netsisoni tsi la va mmoni mwosi, na vyole ku mitwe gyavo gyosi.

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Hosea 9:10

Nda nyola Israeli kuli mazabibu mwigendanyama; nda lola vaguga venyu kuli likuyu lyokutanga lyengi ku musala ku inyinga yalyo: navutswa va duka Baal-peoru, na vehaana avene ku kindu kyokuvihiriridza, navo va gwa avokuvihiriridza, kuli kindu kya va yanza.

Zefania 1:17

Na nda leta lidambidza ku avandu, va luhe va gende kuli avaboku, kigira va koli ubwoni ku Yahova; masahi gavo ga la tahidzwa kuli lugukyi, netsinyama tsyemibiri gyavo kuli isina.

Varumi 6:21

Inyinga zana mwa li namakuyu ki mu vindu vya mu veye soni navyo kalunu? Kigira kiheri kyevindu yivyo ni likudza.

Vakalagi 2:2

na mu ta lomba lilagana navandu vekivala yiki; mu la sambulannya ubwali bwavo. Navutswa si mwa hulira mwoyo gwange: kigira ki mu kola yaga?