Jeremia 3:19 - KITABU KITAKATIFU

¹⁹ Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Jeremia 3:19 ပူးပေါင်းရင်းမြစ်များ

Zaburi 106:24

Yee, va lega kivala kilahi, Si va suuvira likuva lilye,

Zaburi 16:6

Ubugono bwange bu duki halahi; Yee, mbeye nemiyandu milahi.

Zaburi 89:26

A lanira ku inze, Ive u veye dada wange, Nyasaye wange, na ulwanda lwobuhonyi bwange.

Tsing'ano 3:35

Avobugeeri va la lia ubukumi kuva miyandu; Navutswa tsisoni tsi la va linenehidzwa lyavasiru.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 3:17

Inyinga yeyo va la gulika Yerusalemi intebe yobwami ya Yahova; netsihiri tsyosi tsi la vugana ha Yerusalemi ku lieta lya Yahova: kandi si va la genda kandi kulonda budinyu bwomwoyo gwavo mudamano.

Jeremia 3:4

Kutwula inyinga ya kalunu ive si u lanira ku inze, kuvola, O Dada wange ive u veye mwimiriri wobusoleli bwange?

Jeremia 31:20

Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Ezekieli 20:6

ku lidiku yilyo nda visuhira, kuvatwulidza mu kivala kya Egepeti vingire mu kivala kya nda va lutira, ki gangulukanga amaveere nobwuki, ki veye ubukumi bwevivala vyosi.

Danyeli 11:16

Navutswa uyu udzanga kulwana naye a la kola kuli mwene a yanza, kandi si ha la va nokusingira imbiri wewe; naye a la singira mu kivala kyobukumi, nomu mukono gwigwe gu la va nelidividza.

Danyeli 11:41

Kandi a lingira mu kivala kyobukumi, na vivala vinyingi vi la hinulwa; navutswa yivi vi ia honywa kutwula mu mukono gwigwe: Edom, Moabu, na vanene vavana va Amon.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 8:9

Na ku lwiga lulala kutsyo, lwiga lukekeke lwa mera, ku lwa viruka kuduka kuva lunene ligali, kuhenza ku luvega lwa kusini, kandi lwa ivugwe, kandi ku luvega lwekivala kyobukumi.

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.

Vafeso 1:5

Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe,

Kwidzulitsa 14:1

Mwinye mu veye avana va Yahova Nyasaye wenyu: mu ta salaga mibiri gyenyu, kandi mu ta lomba kyavusu hagati hetsimoni tsyenyu kigira mukudzu.

Vahebraina 10:39

Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii: