Jeremia 3:18 - KITABU KITAKATIFU

¹⁸ Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 3:18 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Jeremia 16:15

navutswa, likuva yili li la volua, Kuli Yahova a veye mwoyo wa leta avana va Israeli kutwula ku kivala kya kasikasini, nokutwula mu vivala vyosi vya ya vadikidzira mu. Na nda va leta kandi mu kivala kyavo avene, kivala kya nda ha avaguga vavo.

Jeremia 23:8

navutswa va la vola, Kuli Yahova a veye mwoyo wanegiridza nokwimirira kisukululwi kyenyumba ya Israeli kutwula mu kivala kya kasikasini, nokutwula mu vivala vyosi vya nda va hila mu. Na va la menya mu kivala kyavo avene.

Jeremia 3:12

Tsia, wilwadze makuva yaga ku luvega lwa kasikasini, u vole, Wirane, O Israeli yirani inyima, Yahova a vola; si nda henza mwinye nobutima mba; kigira mbeye netsimbabasi, Yahova a vola, si ntsitsagil'la nobutima madiku gosi mba.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 31:8

Henza, nda va leta kutwula mu kivala kya kasikasini nokuvavungidza kutwula ku tsintulu tsyelirova, na halala navo avaboku navalema, nomukali u veye inda, na uyu a lumangwa, vosi halala: va la va kiduma kinene ava lirana yino.

Jeremia 50:20

Mu madiku yago, na inyin ra yeyo, Yahova a vola, ubudamano bwa Israeli hu lenywa, na si bu la va ho mba; ubwoni bwa Yuda bu le nylra, nabwo si bu la loleka mba: kigira nda sameha yavo ava ndi leka va tigalia.

Jeremia 50:4

Mu madiku yago, inyinga yeyo, avana va Israeli va ladza, Yahova a vola, yavo navana va Yuda halala; va la tsia ku inzira yavo nelilira, nokwenya Yahova Nyasaye wavo

Jeremia 50:5

Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Jeremia 7:7

hene yaho nda mu mennya hango hano, mu kivala kya nda ha vaguga venyu, kutwula ku madiku ga kale, kuduka mihiga nemihiga.

Ezekieli 11:17

Kunangwa, u vole, Mwami Nyasaye a vola ndi: Nda mu vungidza mu twule mu avandu, nda mu vugannya halala mu twule mu vivala vya mwa salannywa mu, na nda mu ha kivala yiki kya Israeli.

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Hosea 2:2

Mu hing'ane na mama wenyu mu hing'ane; kigira si a veye mukali wange, kandi si mbeye musatsa wewe; a vike ihale ubuheyi bwibwe bu twule imbiri wewe, namakuva gobuheyi a ga twulidze hagati he tsimbere tsitsye;

Amosi 9:15

Na nda va simika mkivala kyavo, na si va liifwa kandi kutwula mu kivala kyavo kya nda va ha, Yahova Nyasaye wowo a vola.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 2:6

He, he, mwiruke kutwule mu kivala kya kasikasini, Yahova a vola; kigira nda salannya mwinye kuli tsimbuudza tsine tsyomigulu, Yahova a vola.