Jeremia 3:17 - KITABU KITAKATIFU

¹⁷ Inyinga yeyo va la gulika Yerusalemi intebe yobwami ya Yahova; netsihiri tsyosi tsi la vugana ha Yerusalemi ku lieta lya Yahova: kandi si va la genda kandi kulonda budinyu bwomwoyo gwavo mudamano.

Jeremia 3:17 ပူးပေါင်းရင်းမြစ်များ

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

1 Avami 8:41

Noku mugeni, u ta veye ku avandu vovo Israeli u duka kutwula mkivala kya ihale iigali kigira lieta lilyo

Zaburi 102:23

Ya gehidza tsingulu tsyange ku inzira; Na yimbihidza madiku gange.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Zaburi 87:3

Vindu vyobukumi vi volangwa ku ive, O lidala lya Nyasaye. [Selaha

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 56:6

Avageni avehambanya ku Yahova, va duke kumutumekira, nokuyanza lieta lya Yahova, kuva avatumekiri veve, sa mulala u lindanga lidiku lyelisabato, a vule ku lyononnya, nokuhambana nelilagana lyange;

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Isaya 66:1

Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Jeremia 11:8

Navutswa si va hulira, kinga kutegidza amatu, navutswa va genda sa mulala mu bukyamu bwomwoyo gwigwe mudamano: kigira yaga nda leta kuvo makuva gosi gelilagana yili, lya nda va laga va kole, navutswa va vula kugakola.

Jeremia 12:15

Na ga la duka, inyima wokuviha, ndirana nokuva vererera; nda va leta kandi, mundu sa mulala yingire mu miyandu gyigye, sa mulala yingire mu kivala kikye.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 14:21

U ta ku vihirirwa mba, kigira lieta lilyo; u ta legannya intebe yobwami yobukumi bubwo: widzulitse, u tononnya lilagana lya wa kola nekwinye.

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 17:12

Intebe yobwami yobukumi, ya singeridzwa kutwula mu litanga, niyo hatakatiiu hetu.

Jeremia 18:12

Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 9:14

navutswa va tsia imbiri ku lilonda ubukyamu bwe myoyo gyavo avene, nokulonda Va baal, kuli wa vaguga vavo va vegidza;

Ezekieli 1:26

Na igulu wobwerefu bwa li igulu wemitwe gyavyo ha li nelifwanana lyentebe yobwami, liloleka lyayo lya li ku liloleka lyeligina lya isafiro; noku lifwanana lyentebe yobwami zana ha li nelifwanana lyomundu kuyo.

Ezekieli 43:7

Naye ya mbolera, Ive mwana womundu, hano ha veye ha intebe yange yobwami, na ha tsinduvatiru tsyevirenge vyange, ha inze nda menya hagati ha avana va Israeli mihiga nemihiga. Na inyumba ya Israeli il a vula kwononnya lieta lyange litakatifu kandi, yava, kinga avami vavo, ku makuva gavo ga malaya, noku mibiri mikudzu gyavami vavo mu hadiguluku havo;

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Zekaria 8:8

nda va leta, na va la menya hagati ha Yerusalemi; va la va avandu vange, na inze nda va Nyasaye wavo, mu geligali nomu bulungi.

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Varumi 1:21

Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi.

Varumi 6:14

Kigira ubwoni si bu lameha ku mwinye mba: kigira si mu veye ku lilaga navutswa mu veye ku tsimbabasi.

Vagalatia 4:26

Navutswa Yerusalemi li veye igulu i veye imboholole nayo iyo mama wetu.

Kwidzulitsa 29:29

Vya viswa ni vya Yahova Nyasaye wetu, navutswa vya lang'aminywa ni vyetu ni vya avana vetu mihiga nemihiga, ku duke kukola amakuva gosi gelilaga yili.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.