Jeremia 3:13 - KITABU KITAKATIFU

¹³ Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 3:13 ပူးပေါင်းရင်းမြစ်များ

Nehemia 9:2

Kandi visukululwi vya Israeli veya hula avene ku vageni vosi, na va singira nokweyama ubwoni bwavo, nobudamano bwavaguga vavo.

Tsing'ano 28:13

Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

Isaya 57:5

mwinye ava hambidzanga muliru gwelikayirwa hagati hevifwananyi, isi wemisala gyosi mivisi; mwinye aviitanga avana mu mavona, isi wetsiimbwa tsyetsinyanda?

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 14:20

O Yahova, kweyama ubudamano bwetu, nobudamano bwavaguga vetu; kigira kwa kolera ive ubwoni.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 2:25

Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

Jeremia 3:2

Ginga tsimoni tsitsyo u henze hadiguluku, u duke kulola; ni haliha ha va vuli kugonera ive? Ku luginga lwetsinzira wikaye kuvalindirira, kuli Muarabu mwigendanyamana ive wononnyi kivala nobuheyi bubwo nobudamano bubwo.

Jeremia 3:25

Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 3:6

Yahova ya mbolera kandi mmadiku gwa Josia mwami, ni ya nteva U loli yaga aga Israeli avirani inyima va koli? Vanegira ku vigulu sa kilala kitambi, kandi vevika isi wemisala sa mulala gwa matu amavisi, na va londa vindu vya malaya ha zana.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Ezekieli 16:15

Navutswa wa suuvira ku ligondo lilahi lilyo, na wa tumekira amalaya kigira lidzominywa lilyo, na wa tsuka vindu vivyo vya malaya ku vosi ava vitanga; wa li wewe.

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Kwidzulitsa 12:2

Mwononye ligali hosi ha vetsihiri va tumekiranga avanyasaye vavo, tsihiri tsya mu va ni mu gumira, ku vigulu vitambi, noku tugulu, na isi wemisala gyosi mivisi: