Jeremia 3:12 - KITABU KITAKATIFU

¹² Tsia, wilwadze makuva yaga ku luvega lwa kasikasini, u vole, Wirane, O Israeli yirani inyima, Yahova a vola; si nda henza mwinye nobutima mba; kigira mbeye netsimbabasi, Yahova a vola, si ntsitsagil'la nobutima madiku gosi mba.

Jeremia 3:12 ပူးပေါင်းရင်းမြစ်များ

Litanga 4:7

Nu u va nu u kola bulahi, si u la bugirirwa? Kandi nu u ta kola bulahi kihaanwa kyobwoni ki gona ha kiliango. Na liyenya lyakyo li la va ku ive, nive u la va netsingulu kukyo.

2 Avami 15:29

Mu madiku ga Peka mwami wa li Israeli, Tigilathu pileseru mwami wa Asuria yadza, na vugula lidala lya Ijon, na Abel beth maaka, na Jonoa, na Kedesh, na Hazoru, na Gileadi, na Galilaya, nekivala kyosi kya Nafitali; na ya va hila avalhambe na a tsia navo Asuria.

2 Avami 17:23

kuduka Yahova ya twulidza Israeli imbiri wewe, kuli ya vola neminwa gyavatumekiri veve vosi vaprofeti. Ma Israeli va hambwa vahambe kutwula mu kivala kyavo kutsia mkivala kya Asuria, kuduka lero.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

2 Avami 18:1

Na ga duka ku muhiga gwa kola gyivaka gwelyameha lya Hoshea mwana wa Ela mwami wa Israeli, Hezekia mwana wa Ahazu mwami wa Yuda ya tanga kwameha.

2 Kyetsinyinga 29:10

Ka lunu ga veye mu mwoyo gwange kulomba lilagana na Yahova, Nya saye wa Israeli, ubutima bwibwe bululu bu duke kutwula ku kwinye.

2 Kyetsinyinga 30:9

Kigira ni mwirana ku Yahova, avamwavo venyu navana venyu va la verererwa imbiri wa yavo va va hila vahambe, kandi va lirana mu kivala yiki: kigira Yahova Nyasaye wenyu a veye neliverera netsimbabasi na si a la girunkannya mmoni mwi mwe kutwula ku mwinye mba, ni mu va ni mwirana kuye.

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 103:8

Yahova a veye wetsimbabasi na welivererera. Na wa galaha ku butima, na wobunyingi bwelivererera.

Zaburi 103:9

Si a la lembana madiku gosi; Kandi si a la vihiriu a mihiga nemihiga.

Zaburi 145:8

Yahova a veye mulahi na wetsimbabasi; A veye wa galaha ku ubutima, na wetsimbabasi tsinene.

Zaburi 79:5

O Yahova, tsinyinga tsyanga? U la vihirirwa mihiga nemihiga? Likendeka lilyo li laaka kuli muliru?

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Tsing'ano 28:13

Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

Isaya 31:6

Mu girunkane mu yeke ku uyu wa mu tinguhi ligali, O avana va Israeli.

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Jeremia 11:6

Na Yahova ya mbolera, Wilwadze amakuva yaga gosi mu madala ga Yuda, nomu tsinzira tsya Yerusalemi, kuvola, Mu hulire makuva gelilagana yili kugakola.

Jeremia 12:15

Na ga la duka, inyima wokuviha, ndirana nokuva vererera; nda va leta kandi, mundu sa mulala yingire mu miyandu gyigye, sa mulala yingire mu kivala kikye.

Jeremia 23:8

navutswa va la vola, Kuli Yahova a veye mwoyo wanegiridza nokwimirira kisukululwi kyenyumba ya Israeli kutwula mu kivala kya kasikasini, nokutwula mu vivala vyosi vya nda va hila mu. Na va la menya mu kivala kyavo avene.

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 3:5

A la va nobutima bwibwe madiku gosi? A la tsitsagil'la nabwo kuduka ku kiheri? Henza, u voye na u koli vidamano, na u londi inzira yoyo mwene.

Jeremia 3:7

Na nda vola inyima wa va kola vindu yivi vyosi, Va lirana ku inze kandi; navutswa va vula kwirana: namwavo wewe Yuda wobugadi ya lola vindu yiyi.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 31:20

Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Jeremia 31:21

Wevikire vilolero vyetsinzira, welombere misala gyokukwimirira; u henzidze mwoyo gugwo gu yeke ku inzira inene, kali inzira ya wa tsira ku lwa wa tsia: wirane kandi, umukana mugima wa Israeli, wirane ku madala gogo kandi.

Jeremia 31:8

Henza, nda va leta kutwula mu kivala kya kasikasini nokuvavungidza kutwula ku tsintulu tsyelirova, na halala navo avaboku navalema, nomukali u veye inda, na uyu a lumangwa, vosi halala: va la va kiduma kinene ava lirana yino.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 4:1

Nu u va ni wirana kandi, O Israeli, Yahova a vola, nu u lirana ku inze; nu u va nu u twulidza livihiriridza lilyo li vule kuva imbiri wetsimoni tsyange; hene yaho u la vula kutwulidzwa;

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Ezekieli 11:17

Kunangwa, u vole, Mwami Nyasaye a vola ndi: Nda mu vungidza mu twule mu avandu, nda mu vugannya halala mu twule mu vivala vya mwa salannywa mu, na nda mu ha kivala yiki kya Israeli.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Kyavalevi 26:40

Navo va leyama ubwoni bwavo, na ubwoni bwa vaguga vavo, mu lihyolo lya va hyola ku inze, na kandi kigira va genda mu lihing'ana ku inze,

Zekaria 1:4

Mu ta va kuli avadada venyu va li, avaprofeti vokutanga va va gambira, ni va vola, Yahova wa mahe a vola yaga, Mwirane kalunu mu leke tsinzira tsyenyu tsindamano na vikolwa vyenyu vidamano, mu vi leke: navutswa si va hulira, kandi si va mbulira, Yahova a vola.

Kwidzulitsa 30:2

na wenya kwirana ku Yahova Nyasaye wowo, nokuhulira mwoyo gwigwe kuli gosi ga nku laganga lero, ive navana vovo, no mwoyo gugwo gwosi, naroho gugwo gwosi;