Jeremia 3:10 - KITABU KITAKATIFU

¹⁰ Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 3:10 ပူးပေါင်းရင်းမြစ်များ

2 Kyetsinyinga 34:33

Na Josia ya twulidza vyokuvihirirldza vyosi mu vivala vyosi vyavana va Israeli, ya kola vosi ava nyoleka mu Israeli kutumika, va tumekira mu bu tumwa bwa Yahova Nyasaye wavo. Madiku gege gosi si va leka kulonda Yahova, Nyasaye wavaguga vavo.

Zaburi 18:44

Lwa va hulira makuva gange nonoho va la mbugirira; Avageni va legehidza avene ku inze.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 31:6

Mu girunkane mu yeke ku uyu wa mu tinguhi ligali, O avana va Israeli.

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 12:2

Ive wa va simika, yee, va hili imiri; va viruka, yee, vama makuyu: ive u veye himbi mu minwa gyavo, na u veye ihale mu vikenge vyavo.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Amosi 4:9

Nda mu kuya nekimeyu noluguku: nobunyingi bwemilimi gyenyu na malimiru genyu gemizabibu nemisala genyu gyamakuyu na mizeituni ge nyu, ubutsiriri bwa lia: navutswa si mu galuki ku inze, Yahova a vola.

Malaki 2:11

Yuda ya kola nobugadi, na livihiriridza li veye mu Israeli nomu Yerusalemi: kigira Yuda yononnya ubutakatifu bwa Yahova bwa a yanzanga, na ya kwa mu kana wa nyasaye mugeni.