Jeremia 3:1 - KITABU KITAKATIFU

¹ Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 3:1 ပူးပေါင်းရင်းမြစ်များ

Zaburi 106:38

Na va tahidza amasahi ga ta li nekindu kugo, Kali masahi gavayai vavo navakana vavo, Ava va salisira vifwananyi vya Kanani; Na kivala kyononywa nobuda mano bwamasahi.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 2:23

U nyala ndi kuvola Inze si nda kolwa mudamano mba si nda londa Vabaal? Henza inzira yoyo ha livona, u manye aga wa kola: u veye ing'amia yetsimbiru i londanga tsinzira tsyalyo;

Jeremia 2:7

Na nda mu vika mu kivala kyevyokulia vinyingi, mu duke kulia amakuyu gakyo nobulahi bwakyo; navutswa lwa mwingira mu kivala zana, mwononnya kivala kyange, nemiyandu gyange mwa gyi kola kyokuvihiriridza.

Jeremia 22:20

Wanegire, u tsie Lebanon, u lire; u hanzuke mu Bashan, nokukupa lukwili kutwula Abarim; kigira avayanze vovo vosi va divi.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 3:9

Na ga duka kigira ubuhuhu bwa malaya gege, kivala yikyo kyononywa, na ya heya namagina nevitinya vyemisala.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Jeremia 4:1

Nu u va ni wirana kandi, O Israeli, Yahova a vola, nu u lirana ku inze; nu u va nu u twulidza livihiriridza lilyo li vule kuva imbiri wetsimoni tsyange; hene yaho u la vula kutwulidzwa;

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Lisyoma lya Jeremia 1:2

A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.

Ezekieli 16:26

Kandi u koli ubuheyi ku Vaegepeti, avatende vovo, avanene vomubiri, na u medi amalaya gogo, kuvukidza ubutima bwange.

Ezekieli 16:30

Mwoyo gugwo gu veye mudedekere ndi, Mwami Nyasaye a vola, na u kolanga vindu yivi vyosi, navyo vi veye miyinzi gyomukali wamalaya wamahangali;

Ezekieli 16:35

Kunangwa, O wamalaya, hulira likuva lya Yahova:

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Hosea 1:2

Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova.

Hosea 2:2

Mu hing'ane na mama wenyu mu hing'ane; kigira si a veye mukali wange, kandi si mbeye musatsa wewe; a vike ihale ubuheyi bwibwe bu twule imbiri wewe, namakuva gobuheyi a ga twulidze hagati he tsimbere tsitsye;

Mika 2:10

Mu singire, mu tsie; kigira hano si ha veye hokusosa henyu mba; kigira ubudamano bwononnyanga, kuduka lidividza lilitu.

Zekaria 1:3

Kunangwa u va volere, Yahova wa mahe a vola, Mu galuke ku inze, Yahova wa mahe a vola, na inze nda galuka ku mwinye, Yahova wa mahe a vola.

Matayo 5:31

Kandi ga volwa, ku vosi u li kunga mkali wewe, a mu he ibaruwa yokumkunga.

Kwidzulitsa 22:21

va hile mukana zana ha kiliango kyenyu mba ya dada wewe, navasatsa velidala lilye va mu lase magina a kudze, kigira ya kola busiru mu Israeli, ku likolera ubuheyi mu inyumba ya dada wewe: na ndiyo u la twulidza ubudamano hagati hoho.

Vakalagi 19:2

Na musuria wewe zana ya londa malaya, na a mu leka a tsie mu inyumba ya dada wewe ha Beth-lehemu-yuda, na ya menya ho myeli gyine.