Jeremia 29:8 - KITABU KITAKATIFU

⁸ Kigira Yahova wa mahe, Nyasaye wa Israeli, a vola: Mu ta bugirira avaprofeti ava veye hagati henyu, na vasegetiri, va mu gade; kandi mu ta hulira maloto genyu ga mu lotanga.

Jeremia 29:8 ပူးပေါင်းရင်းမြစ်များ

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 23:16

Yahova wa mahe a vola, Mu ta hulira amakuva ga vaprofeti ava profeteranga mwinye: va mwegidzanga amakuva ga vutswa: va volanga malola gemyoyo gyavo avene, si ga li aga twulanga mmunwa gwa Yahova mba.

Jeremia 23:21

Si nda tuma vaprofeti yava, navutswa va nyagula; si nda va volera navutswa va profeta.

Jeremia 23:25

Mmali kuhulira ga avaprofeti va vola, ava profetanga bubehi mu lieta lyange, ni va vola, Ndoti amaloto, Ndoti amaloto.

Jeremia 23:27

Ava ganagananga kunga avandu vange vivirire lieta lyange kigira maloto gavo ga va voleranga mundu sa mulala nowakye, kuli avaguga vavo vivirira lieta lyange kigira Baal.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 29:1

Yaga nigo makuva ga ibaruwa yomprofeti Jeremia ya hila kutwula Yerusalemi kuduka ku vatigala ku vakulundu avombuhambe, noku vasalisi, noku vaprofeti, noku avandu vosi, ava Nebukadinezaru ya hila mbuhambe kutwula Yerusalemi na a tsia navo Babuloni

Jeremia 29:15

Kigira mwa vola, Yahova u ku singiridziye avaprofeti ha Babuloni;

Jeremia 29:21

Yahova wa mahe, Nyasaye wa Israeli, a vola ndi, ku makuva ga Ahabu mwana wa Kolaia, noku makuva ga Zedekia mwana wa Maaseia, ava profetera mwinye ububehi mu lieta lyange: Henza, nda va vika mmukono gwa Nebukadirezaru mwami wa Babuloni; naye a la viitira imbiri wetsimoni tsyenyu;

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 37:9

Yahova a vola, Mu tegadidza, kuvola, Avakalidei va la ku leka ligali, kigira si va la mu leka mba.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 13:6

Va lola vindu vya vutswa, nobusegetiri bwobubehi, yavo ava volanga, Yahova a vola, na Yahova si ya va tuma mba: navo va kola avandu kusuuvira likuva yili li la dukidzwa.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Zekaria 13:4

Na ga la duka mu lidiku yilyo, avaprofeti va la va netsisoni sa mulala kigira lilola lilye, lwa a profetanga; kandi si va livika ingubo yobwoya va duke kugada:

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Luka 21:8

Ya vola, Mu gelihe, mu ta gadwa: kigira vanyingi va ladza mu lieta lyange, ni va vola, Inze niye; kandi inyinga i veye himbi: mu ta va londa.

Luka 6:26

Mu la lola ubudamano mwinye, avandu vosi lwa va mu laha bulahi kigira avaguga vavo va kola ndiyo ku vaprofeti vobubehi.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

Vafeso 4:14

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi.

Vafeso 5:6

Mu ta leka mundu kali mulala a mu gade namakuva ga vutswa: kigira kyamakuva yaga ubutima bwa Nyasaye bu dukanga ku vana vobutingu.

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

2 Timoteo 3:13

Navutswa avandu avadamano navagadidzi va lisunda imbiri nokukira kuva vadamano, va gadanga, navo va gadangwa.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi: