16 Kunangwa, kigi ra yaga Yahova a vola, Henza, nda ku twulidza mu mmoni mwelirova; mmuhiga yigu u la kudza, kigira wa vola likuva lyokwebaala ku Yahova.
Kigira ki Avaegepeti va nyala kumoloma, nokuvola, Ya va twulidza ku va kolera ubudamano, a duke kuvitiira mu vigulu, nokuvadividza va vule kuva ku lirova? U girunkane kutwula ku butima bululu bubwo, na weganire ubudamano yibu bwa u veye nabwo ku avandu vovo.
Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.
Ni gyi kikiri kuvita mihiga gyiviri nda leta hano kandi viju vyosi vyenyumba ya Yahova, vya Nebukadinezaru mwami wa Babuloni ya hila kutwula hano, kuvihila Babuloni:
kigira yaga Yahova a vola, Henza, nda haana mageli ku Shemaia Munehelami, nekisukululwi kikye; si a la va nomundu u menya mu avandu yava, kandi si a la lola ubulahi, bwa ndi kolera avandu vange, Yahova a vola, kigira ya vola bwebaali ku Yahova.
kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.
Henza, tsimoni tsyo Mwami Nyasaye tsi veye ku bwami bwobwoni, na nda bu dividza bu twule mmoni mwelirova; navutswa si ndononnya ligali inyumba ya Yakobo, Yahova a vola.
Na ku lidiku lya gatano na gaviri mu la leta tsigiriki tsitano na tsiviri, magondi makole gaviri, vimeme vikole vyamagondi vyomuhiga mulala likumi na vine vidukiru;
kigira Yahova Nyasaye wowo u veye hagati hoho, a veye Nyasaye we likendeka; gase ubutima bwa Yahova Nyasaye wowo bu laaka ku ive, na a la kwononya kukutwulidza mu lirova.