Jeremia 28:11 - KITABU KITAKATIFU

¹¹ Na Hanania ya vola imbiri wetsimoni tsyavandu vosi, na a vola, Yahova a vola ndi: Ni ndiyo ndi vunannya inira ya Nebukadinezaru mwami wa Babuloni mu mihiga gyiviri i twule ku magoti gavetsihiri vosi. Ma muprofeti Jeremia ya tsia.

Jeremia 28:11 ပူးပေါင်းရင်းမြစ်များ

1 Avami 13:18

Na ye ya mu volera, Inze kandi mbeye muprofeti kuli ive; nengelosi ya mbo lera ku likuva lya Yahova, na a vola, U mwiranye halala nive mu inyumba yoyo, a duke kulagira nokunwa madzi. Navutswa ya mu volera bubehi.

1 Avami 22:6

Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

2 Kyetsinyinga 18:10

Na Ze dekia mwana wa Kenaana ya lomba tsinziga tsyekivya, na a vola, Yahova a vola ndina, Ive u la sindika Vasi ria na yitsi, va luhe va kame.

Tsing'ano 14:7

U twule imbiri womusiru Kigira u la vula kulola kuye minwa gyelimanya.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 29:9

Kigira va mu profetera ubugadi mu lieta lyange: inze si nda va tuma mba, Yahova a vola.

Ezekieli 13:7

Si mwa lola malola ga vutswa, kandi si mwa vola busegetiri bwobubehi, mu livola lya mu volanga, Yahova a vola; na vutswa si nda vola kindu?