Jeremia 28:1 - KITABU KITAKATIFU

¹ Na ga duka mu muhiga zana, mu litanga lyelyameha lya Zedekia mwami wa Yuda, ku muhiga gwa kane, ku mweli gwegyitano Hanania mwana wa Azuri, muprofeti wa li ha Gibeon, ya mbolera mu inyumba ya Yahova, imbiri wetsimoni tsyavasalisi navandu vosi, kuvola,

Jeremia 28:1 ပူးပေါင်းရင်းမြစ်များ

1 Avami 3:4

Na mwami ya tsia Gibeon kuhaana vihaanwa yo; kigira ha zana ha veye ha diguluku hanene: Solomoni ya haana vihaanwa elfu vyokusambwa ku bwali zana.

2 Avami 24:18

Zedekia ya li wemihiga makumi gaviri na mulala lwa ya tanga kwameha, na yameha mihiga likumi na mulala ha Yerusalemi: na lieta lya mama wewe lya langwa Hamutali mukana wa Jeremia wa Libina.

2 Kyetsinyinga 36:11

Zedekia ya li wemihiga makumi gaviri na mulala lwa ya tanga kwa meha; na yameha mihiga likumi na mulala mu Yerusalemi:

Isaya 9:15

Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

Jeremia 23:28

Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Jeremia 27:1

Mu litanga lyelyameha lya Jehoiakim mwana wa Josia, mwami wa Yuda, likuva yili lya duka ku Jeremia kutwula ku Yahova, kuvola,

Jeremia 27:12

Nda volera Zedekia mwami wa Yuda kuli makuva yaga gosi, ni mbola, Mu vike amagoti genyu isi wenira yomwami wa Babuloni, mu mu tumekire uyu navandu veve, mu ve mwoyo.

Jeremia 27:3

u vi hile ku mwami wa Edom, noku mwami wa Moabu, noku mwami wa avana va Amon, noku mwami wa Turo, noku mwami wa Sidon, na makono gavatumwa ava duka Yerusalemi ku Zedekia mwami wa Yuda:

Jeremia 28:11

Na Hanania ya vola imbiri wetsimoni tsyavandu vosi, na a vola, Yahova a vola ndi: Ni ndiyo ndi vunannya inira ya Nebukadinezaru mwami wa Babuloni mu mihiga gyiviri i twule ku magoti gavetsihiri vosi. Ma muprofeti Jeremia ya tsia.

Jeremia 28:17

Ma mprofeti Hanania ya kudza ku muhiga zana, ku mweli gwegyitano na gyiviri.

Jeremia 28:5

Hene yaho muprofeti Jeremia ya volera muprofeti Hanania imbiri wetsimoni tsyavasalisi, navandu vosi ava li ni va singiye mu inyumba ya Yahova,

Jeremia 29:15

Kigira mwa vola, Yahova u ku singiridziye avaprofeti ha Babuloni;

Jeremia 36:12

yika nokwingira mu inyumba yomwami, yingira mu inyumba yomung'odi: henza, avanene vosi vikala ho, navo ni yava, Elishama mung'odi, na Delaia mwana wa Shemaia na Elinathan mwana wa Akibor;, na Gemaria mwana wa Shafan, na Zedekia mwana wa Hanania, navanene vosi.

Jeremia 37:13

Na lwa ya li ha kiribwa kya Benjamini, munyampara mulala ya li ho, welilinda, wa langwa lieta lilye Irija, ya li mwana wa Shelemia, mwana wa Hanania; naye ya gumira muprofeti Jeremia, nokumuvolera, Ive u tsitsanga kwivika ku Vakalidei.

Jeremia 37:19

Avaprofeti vovo va veye haliha kalunu, ava profetera ive, kuvola, Mwami wa Babuloni si a ladza ku ive mba, kinga ku kivala yiki?

Jeremia 49:34

Likuva lya Yahova lya duka ku Jeremia muprofeti ku Elam, mu litanga lyelyameha lya Zedekia mwami wa Yuda, kuvola.

Jeremia 51:59

Likuva lya Jeremia muprofeti ya laga Seraia mwana wa Neria, mu ana wa Mahaseia, lwa ya tsia Babuloni halala na Zedekia mwami wa Yuda ku muhiga gwegine gwelyameha lilye. Seraia ya li musingeriri wenyumba.

Ezekieli 13:6

Va lola vindu vya vutswa, nobusegetiri bwobubehi, yavo ava volanga, Yahova a vola, na Yahova si ya va tuma mba: navo va kola avandu kusuuvira likuva yili li la dukidzwa.

Hosea 7:3

Va yanzidzanga mwami nobudamano bwavo, na va yanzidzanga avanene namakuva gavo gobubehi.

Joshua 10:12

Hene yaho Joshua ya volera Yahova, ku lidiku yilyo lya Yahova ya twulidza Vaamori imbiri wa avana va Israeli; na a vola imbiri wetsimoni tsya Israeli, Ive Liuva, singira igulu ku Gibeon; Ne ive, Mweli, singira mwivona lya Aijalon.

Joshua 9:3

Navutswa avandu va Gibeon lwa va hulira makuva yaga gosi aga Joshua ya kola ku avandu va Yeriko, na ava Ai,