Jeremia 27:5 - KITABU KITAKATIFU

⁵ Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Jeremia 27:5 ပူးပေါင်းရင်းမြစ်များ

Litanga 1:25

Na Nyasaye ya lomba tsinyama tsyelirova kuli lugano lwatsyo, nemitugu kuli lugano lwagyo, na vyosi vi molanga ku lirova kuli lugano lwavyo: na Nyasaye ya lola nobulani.

Litanga 9:6

Ku vosi uyu u tahidza masahi gomundu, amasahi gege ga la tahidzwa na mundu: kigira ya lomba mundu mu lifwanana lya Nyasaye.

1 Avami 8:42

(kigira va la hulira gusuma gwelieta lilyo linene, nogwomukono gugwo gwetsingulu, nogwomukono gugwo gwa nyirwa); lwa yadza noku saala nelihenza ku inyumba yiyi;

Ezara 1:2

Kurusi mwami wa Persia a volanga, Yahova, uyu Nyasaye womigulu u heye inze n ubwami bwosi bwelirova; na u lagi inze mwombakire inyumba ha Yeru salemi, li veye mu Yuda.

Nehemia 9:22

Halala na yaga, wa va ha ubwami navandu, vya wa va gavulira kuli vidieli vyavo: ma va gumira kivala kya Sihon, kali kivala kyomwami wa Heshibon, nekivala kya Ogu mwami wa Bashan.

Zaburi 102:25

Kale wa lomba muse gwelirova; Kandi magulu ga veye miyinzi gyamakono gogo.

Zaburi 96:5

Kigira avanyasaye vosi va vetsihiri va veye vifwananyi vutswa; Navutswa Yahova ya lomba ligulu.

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 48:13

Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Jeremia 27:4

kandi u va lage va tsie ku vanene vavo, va vole, Yahova wa mahe, Nyasaye wa Israeli, a vola ndi, Mu volere avanene venyu likuva yili:

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 51:15

A lombi lirova yili nobunyali bwibwe, a dinyiridzi lirova nobugeeri bwibwe, kandi avambuye ligulu nelimanya lilye.

Danyeli 2:38

kandi hosi ha avana va vandu va menyanga, na tsinyama tsyomwigendanyama, na manyonyi gombwerefu, u viki mmkono gugwo, kandi u kwamehidzi ku vyosi: ive u veye mutwe gwethahabu.

Danyeli 4:14

Ya hanzuka, na vola ndi, Mu teme musala, mu halule tsisya tsyagwo, mu vungulule amatu gagwo, kandi mu salannye amakuyu gagwo: tsinyama tsi twule isi wagwo, na manyonyi ga twule ku tsisya tsyagwo.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 5:18

O ive mwami, Nyasaye Wegulu Ku Vyosi, ya ha Nebukadinezaru, dada wowo, ubwami, nobunene, nelidzominywa, nobukumi:

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 17:24

Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

Kwidzulitsa 2:19

na lwa mu duka himbi ku luvega lwavana va Amon, u ta dambidza avana va Amon, kandi u ta hing'ana navo; kigira si nda ku ha ku kivala kyavana va Amon kuva miyandu: kigira nda ha avana va Loti kuva miyandu gyavo.

Kwidzulitsa 2:21

avandu avanene, navanyingi, navatambi, kuli Vaanaki; navutswa Yahova ya vononya imbiri wavo; na va va londa, ni va menya mbugono bwavo;

Kwidzulitsa 2:7

Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.

Kwidzulitsa 2:9

Na Yahova ya mbolera, U ta dambidza Moabu, kandi u ta hing'ana navo mbulwani; kigira si nda kuha ku kivala kikye ku ki gumira; kigira mmali kuha avana va Loti kugumira Ari.

Kwidzulitsa 32:8

Inyinga U-veye-lgulu-Ligali ya haana miyandu ku vetsihiri, Lwa yavukanya avana vavandu, Ya vika tsinzako tsyavandu Kuli livalidzwa lya avana va Israeli.

Kwidzulitsa 4:17

ku lifwana genyama ku tsyosi i veye ku lirova, ku lifwana lyelinyonyi ku gosi getsimbaha li bulukanga migulu,

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 4:32

Kunangwa kalunu teva makura ga madiku ga vita imbiri, kutwula lidiku lya Nyasaye ya lomba mundu ku lirova, nokutwula ku luvega lulala lwo migulu kuduka ku luvega lundi, u teve ha li nelifwana lyenkuva inene yiyi, kinga lifwana lyamakuva yaga lya hulirwa ku?

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 9:29

Halala na yaga va veye ihiri yoyo, miyandu gyigyo, ava wa twulidza netsingulu tsitsyo tsinene nomukono gugwo gwa nyirika.

Vakolosai 1:16

kigira vindu vyosi vya lombekera muye, vyomigulu nevya hasi, vi lolekanga ne vi ta lolekanga, ni vi veye ho visako vyobwami, kinga lyameha, kinga ubunene, kinga tsingulu; vindu vyosi vya lomberwa mu uyu, kandi kigira mwene uyu.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.