Jeremia 27:15 - KITABU KITAKATIFU

¹⁵ Kigira inze si nda va tuma mba, Yahova a vola, navutswa va profeta ububehi ku lieta lyange; nduke kutwulidza mwinye, na mu dive, mwinye, navaprofeti ava mu profetera.

Jeremia 27:15 ပူးပေါင်းရင်းမြစ်များ

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 20:6

Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.

Jeremia 23:15

Kigira yaga Yahova wa mahe a vola ku makuva gavaprofeti: Henza, nda va leh dza vilulu, nokuvanwellidza indulwi: kigira ku avaprofeti va Yerusalemi lidamano li twuli kwingira mu kivala kyosi.

Jeremia 23:21

Si nda tuma vaprofeti yava, navutswa va nyagula; si nda va volera navutswa va profeta.

Jeremia 23:25

Mmali kuhulira ga avaprofeti va vola, ava profetanga bubehi mu lieta lyange, ni va vola, Ndoti amaloto, Ndoti amaloto.

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Jeremia 29:8

Kigira Yahova wa mahe, Nyasaye wa Israeli, a vola: Mu ta bugirira avaprofeti ava veye hagati henyu, na vasegetiri, va mu gade; kandi mu ta hulira maloto genyu ga mu lotanga.

Jeremia 29:9

Kigira va mu profetera ubugadi mu lieta lyange: inze si nda va tuma mba, Yahova a vola.

Jeremia 38:22

Henza, avakali vosi ava lekwa mu inyumba yomwami wa Yuda va la hilwa va tsia ku vanene vomwami wa Babuloni, navakali yava va la ku volera makuva yaga, Yavo avalina vovo va himbi va mali kukugoonya, nokuku guuta: kalunu virenge vivyo vi mali kusikira mbudohi, va girunkani nokwirana inyima.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi: