Jeremia 27:10 - KITABU KITAKATIFU

¹⁰ kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Jeremia 27:10 ပူးပေါင်းရင်းမြစ်များ

Kutwula 22:18

U ta leka mukali mukumu kuva mwoyo.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 23:16

Yahova wa mahe a vola, Mu ta hulira amakuva ga vaprofeti ava profeteranga mwinye: va mwegidzanga amakuva ga vutswa: va volanga malola gemyoyo gyavo avene, si ga li aga twulanga mmunwa gwa Yahova mba.

Jeremia 23:25

Mmali kuhulira ga avaprofeti va vola, ava profetanga bubehi mu lieta lyange, ni va vola, Ndoti amaloto, Ndoti amaloto.

Jeremia 27:14

Mu vule kuhulira makuva gavaprofeti va mu volera, kuvola, Si mu la tumekira mwami wa Babuloni; kigira va mu profeteranga ububehi.

Jeremia 27:15

Kigira inze si nda va tuma mba, Yahova a vola, navutswa va profeta ububehi ku lieta lyange; nduke kutwulidza mwinye, na mu dive, mwinye, navaprofeti ava mu profetera.

Jeremia 27:16

Kandi nda volera avasalisi navandu yavo vosi, kuvola, Yahova a vola: Mu ta hulira makuva gavaprofeti venyu va mu profeteranga, kuvola, Henze, viju vyenyumba ya Yahova vi la letwa kalunu ndi vi twule Babuloni kandi; kigira va mu profetanga bubehi.

Jeremia 28:11

Na Hanania ya vola imbiri wetsimoni tsyavandu vosi, na a vola, Yahova a vola ndi: Ni ndiyo ndi vunannya inira ya Nebukadinezaru mwami wa Babuloni mu mihiga gyiviri i twule ku magoti gavetsihiri vosi. Ma muprofeti Jeremia ya tsia.

Jeremia 28:16

Kunangwa, kigi ra yaga Yahova a vola, Henza, nda ku twulidza mu mmoni mwelirova; mmuhiga yigu u la kudza, kigira wa vola likuva lyokwebaala ku Yahova.

Jeremia 32:31

Kigira lidala yili li gwiye kyokumbika livihiriridza nekyobutima bwange bwomuliru kutwula ku lidiku lya va lyombaka kuduka lidiku lya lero; nduke ku li twulidza li vule kuva imbiri wetsimoni tsyange:

Jeremia 8:19

Henza, mwoyo gwelilira lyomukana wavandu vange gu twulanga mkivala kye ihale ligali: Yahova si a veye mu Zioni? Mwami walyo si a veye mulyo? Kigira ki va vukidza ubutima buange nevifwananyi vyavo vya vadzwa, noku vindu vya vutsua vyobugeni?

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Danyeli 4:7

Kunangwa avakumu, na vasegeteri, na Avakalidei, na avang'olera ku tsing'ereng'ani, vingira, na inze nda va volera liloto lyange, navutswa si va mbuulira livuula lyalyo.

Zekaria 10:2

Kigira vifwananyi vi volanga vutswa, na vagimba va lolanga bubehi; na va volanga vya maloto gobubehi, lileminya mwoyo lyavo li veye lya vutswa: kigira yaga va tsitsanga kuli magondi, va dambidzwa, kigira si ha veye nomwayi.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Kwidzulitsa 18:10

Ha ta nyoleka halala na ive, mulala u vitidzanga mmuliru, mwana wewe muyai kinga mkana, kinga mulala u kolanga ubusegetiri, kinga u henzanga vyombwerefu a lagule inkuva, kinga mulogi, kinga mbira,