Jeremia 26:8 - KITABU KITAKATIFU

⁸ Na ga duka, lwa Jeremia ya mala kuvola yaga gosi aga Yahova ya mu laga a volere avandu vosi; ma avasalisi navaprofeti, navandu vosi va gumira Jeremia, nokumuvolera Ive ligali u la kudza.

Jeremia 26:8 ပူးပေါင်းရင်းမြစ်များ

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 18:23

Navutswa, Yahova, ive u manya amakuva gavo gosi aga va veye nago ku inze kunziita; u ta sameha ubudamano bwavo mba, kandi u teya ubwoni bwavo imbiri wetsimoni tsitsyo mba; navutswa va tung'aminywe imbiri wowo; u va kolere ku inyinga yobutima bubwo.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 32:3

Kigira Zedekia mwami wa Yuda ya mu boha, na a vola, Kigira ki u profeta, nokuvola, Yahova a vola, Henza, nda vika lidala yili mmukono gwomwami wa Babuloni, naye a la li vugula;

Jeremia 43:1

Na ga duka, lwa Jeremia ya mala kuvolera avandu yavo vosi makuva gosi ga Yahova Nyasaye wavo, aga Yahova Nyasaye wavo ya mu tuma kuvavolera, nago ga veye amakuva yaga gosi,

Amosi 7:10

Kunangwa Amazia musalisi wa Beth-eli ya tuma avandu ku Jeroboam mwami wa Israeli, na a vola, Amosi u ku koleye tsimbemba hagati ha inyumba ya Israeli: na kivala si ki nyala kuginga makuva gege gosi.

Matayo 22:6

na vandi va gumira avatugwa veve, ni va va kupidza kivi, ni va viita.

Matayo 27:20

Ava salisi vanene navakulundu va goonya kiduma va duke kuteva Baraba, na vononnya Yesu.

Vikolwa 5:33

Navutswa yava lwa va hulira yaga va vihirirwa ni venya kuviita.

Vikolwa 7:52

U li ha ku vaprofeti, vaguga venyu va vula kudambidza? Kandi va viita yavo ava tanga kumannya lidza lyo Mulungi; wa mwinye kalunu mu mali kugwa avazami naviiti;

Likunula 18:24

Kandi amasahi gavaprofeti nagavatakatifu naga vosi aviitangwa ku lirova, ga loleka mulyo.