Jeremia 26:2 - KITABU KITAKATIFU

² Yahova a vola: Singira mu mgidzi gwenyumba ya Yahova, na u volere amadala gosi ga Yuda, aga yavo avadza kusigamira mu inyumba ya Yahova, u va volere makuva yaga gosi aga nkulaganga; u tigalira likuva kali lilala.

Jeremia 26:2 ပူးပေါင်းရင်းမြစ်များ

Jeremia 1:17

Ku nangwa ive webohe kikenge kikyo, u vuke, na u va volere gosi aga nku laga: u ta henda mwoyo mmoni mwavo, gase nda ku hendidza mmoni mwavo.

Jeremia 1:7

Navutswa Yahova ya mbolera, U ta vola, Inze mbeye mwana; kigira u la tsia ku uyu wa nku hila kuye, na gosi aga nku laga u la ga vola.

Jeremia 19:14

Hene yaho Jeremia yadza na a twula ha Tofethu, ha Yahova ya mu tuma a tsie kuprofeta; na a singira hamgizi henyumba ya Yahova, na a volera avandu vosi:

Jeremia 23:28

Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Jeremia 25:2

lya Jeremia muprofeti ya volera avandu vosi va Yuda, noku vosi ava menyanga Yerusalemi, kuvola:

Jeremia 28:5

Hene yaho muprofeti Jeremia ya volera muprofeti Hanania imbiri wetsimoni tsyavasalisi, navandu vosi ava li ni va singiye mu inyumba ya Yahova,

Jeremia 36:10

Kunangwa inyinga yeyo Baruku ya soma mu kitabu makuva ga Jeremia mu inyumba ya Yahova, mu inyumba ya Gemaria mwana wa Shafan mung'odi, mmugidze gwegulu, ha bwingiriru bwekiribwa kihya kyenyumba ya Yahova, mmatu gavandu vosi.

Jeremia 42:4

Hene yaho muprofeti Jeremia ya va volera, Inze mbuliye mwinye; henza, nda saala Yahova Nyasaye wenyu kuli makuva genyu; kandi ga la va ku vyosi vya Yahova a mu tivulira, inze ndilwadzira mwinye; si ndigalira ku mwinye kindu kali kilala mba.

Jeremia 7:2

Singira mu kiliango kyenyumba ya Yahova, u gambe yo likuva yili, u vole, Mu hulire likuva lya Yahova, mwinye vosi Avayuda, mwinye avi ngiranga mu viribwa yivi kutsia kusigamira Yahova.

Jeremia 7:27

Na ive u la va volera makuva yaga gosi; navutswa si va la ku hulira mba: ive u la va langa; navutswa si va la bugira mba.

Ezekieli 3:10

Kandi ya mbolera, Ive mwana womundu, makuva gange yaga gosi aga nku volera u ga vike mu mwoyo gugwo, nokugahulira namatu gogo.

Ezekieli 33:7

Kunangwa ive, mwana womundu, mmali kuvika ive kuva mulindi ku inyumba ya Israeli; kigira yaga u hulire likuva mu munwa gwange, na u va gerehidze neligerehidza li twula ku inze.

Ezekieli 40:4

Na mundu zana ya mbolera, Ive mwana womundu, henza netsimoni tsitsyo, hulira na amatu gogo, na u vike mwoyo gugwo ku yaga gosi aga ndi ku mannya; kigira ive wa letwa hano nduke kukumannya yaga: wilwadze gosi aga u lola ku inyumba ya Israeli.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Luka 19:47

Kandi ya li ni yegidza kazozo mu litempeli. Navutswa avasalisi vanene navang'odi navanene vavandu venya kumwiita:

Yohana 18:20

Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Yohana 8:2

Ya kivira mugamba na a tsia mu litempeli, kandi avandu va tsia kuye vosi; naye yikala na a vegidza.

Vikolwa 20:20

kuli wa nda vula kuvaasa amakuva kumuvolera gosi aga nyala kumukonya, ni mmwegidza imbiri wavandu vosi, kandi inyumba nenyumba,

Vikolwa 20:27

Kigira si nda vaasa amakuva kumuvolera ubusaaviri bwosi bwa Nyasaye.

Vikolwa 5:25

Yadza mulala na a va volera, Henza, avandu yavo va mwa li ku vika mu inyumba yavahambe, va veye mu litempeli, va singira vegidzanga avandu.

Vikolwa 5:42

Kandi ma diku gosi mu litempeli nomu inyumba yavo si va leka kwegidza, nokwilwadza amakuva ga Yesu kuli a veye Kristo.

Kwidzulitsa 12:32

Ku gosi ga mmu laga, mu henze ku nokugakola: u ta meda ku, kinga u ta gehidza ku.

Kwidzulitsa 12:5

Navutswa ha Yahova Nyasaye wenyu a tovola ku tsihiri tsyenyu tsyosi, a vike ho lieta lilye, ha veye hokumenya hehe, mu yekidze tsimoni tsyenyu ha zana, nokutsia ho;

Kwidzulitsa 4:2

Ku makuva ga mmu laganga mu vule kumeda ku, kinga kugehidza ku, mu duke kugumira malago ga Yahova Nyasaye wenyu aga inze nda mu laga.

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.

Likunula 22:19

kandi ku vosi mundu na a va na a twulidza ku makuva gekitabu kyobuprofeti yibu, Nyasaye a la twulidza lisanga lilye ku musala gwelivamwoyo, nomu lidala litakatifu, vi ng'odeywi mu kitabu yiki.