Jeremia 26:19 - KITABU KITAKATIFU

¹⁹ Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Jeremia 26:19 ပူးပေါင်းရင်းမြစ်များ

2 Samweli 24:16

Na ingelosi lwa ya nyira mukono gwigwe ku Yerusalemi kulyononya, Yahova yeganira ku budamano vibu, na a volera ingelosi wononya avandu, Ga duki gaya mukono gugwo kalunu. Na ingelosi wa Yahova ya li himbi ku lodze lwa Arauna Mujebusi.

2 Kyetsinyinga 32:20

Na Hezekia mwami, na Isaya mwana wa Amozu muprofeti, va saala kigira yaga, ni va ginga lilira lyavo migulu.

2 Kyetsinyinga 34:21

Mu tsie, kuntevera Yahova, inze na vatigala vosi va Israeli na Yuda, ku makuva gekitabu kya nyoleka; kigira ubutima bwa Yahova bwa tsukwa ku kwinye bu veye bunene, kigira avaguga vetu va vula kugu mira likuva lya Yahova, kuduka kukola gosi ga ng'odwa mu kitabu yiki.

Kutwula 32:14

Na Yahova yeganira ubudamano bwa ya vola a la kolera avandu veve.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 37:1

Na ga duka lwa mwami Hezekia ya hulira yaga, ya tandula tsingubo tsitsye, ni yevika ingubo yeligunia, ni yingira mu inyumba ya Yahova.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Jeremia 26:15

Navutswa mu manye ligali, ni mu va ni mu nziita, mu la leta masahi ga ta li nekindu kugo ku mwinye avene, noku lidala yili, noku avamenyi mulyo; kigira ligali Yahova a ntumi ku mwinye kuvola makuva yaga gosi mu amatu genyu.

Jeremia 26:3

Namasia va la hulira nokweganira sa mulala kuleka inzira yeye indamano; inze nduke kweganira ku madamano aga nsaavira kuvakolera kigira budamano bwelikola lyavo.

Jeremia 44:7

Kunangwa kalunu Yahova, Nyasaye wa mahe, Nyasaye wa Israeli, a vola ndi: Kigira ki mwinye mu kola budamano yibu bunene ku myoyo gyenyu avene, kutwulidza ku mwinye musatsa nomukali, mwana mudoto na uyu u nunanga, mu twulidzwe hagati ha Yuda, mu vule kulekerwa mundu u tigala kali mulala;

Amosi 7:3

Yahova yeganira mu inkuva yiyi: la vula kuva, Yahova a vola.

Habakuk 2:10

U koleye inyumba yoyo makuva getsisoni, kigira litwulidza lyavandu vanyingi, na we kolera ubwoni ive mwene.

Zekaria 7:2

Inyinga yeyo yavo ava Bethli va tuma Sharezeru na Regemmeleku, halala na avandu vavo, va duke kusaava tsimbabasi tsya Yahova,

Livalidza 16:38

kali vituva vya avoni yava, aveyononya liva lyavo avene; navyo vi kolwe vibalebale kuva vikuniku vyobwali: kigira vya haanwa imbiri wa Yahova, kigira yaga vi veye vitakatifu; na vi la va kilolekidzu ku avana va Israeli.

Matayo 23:35

amasahi malungi gosi aga tadza mu lirova ga duke kuva ku mwinye, kutwula ku masahi ga Habili mulungi kali kuduka ku masahi ga Zekaria mwana wa Barakia, wa mwiitira hagati ha hatakatifu nobwali.

Vikolwa 5:39

navutswa ni gyi va gya Nyasaye, mwinye si mu li nyala kuvaguuta; gase mu la nyolwa mu lwana na Nyasaye.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.