Jeremia 26:11 - KITABU KITAKATIFU

¹¹ Hene yaho avasalisi navaprofeti va volera avanene navandu vosi, ni va vola, mundu uyu u dukani nelikudza; kigira ya profeta ku lidala yili, kuli mwa hulira namatu genyu.

Jeremia 26:11 ပူးပေါင်းရင်းမြစ်များ

Jeremia 18:23

Navutswa, Yahova, ive u manya amakuva gavo gosi aga va veye nago ku inze kunziita; u ta sameha ubudamano bwavo mba, kandi u teya ubwoni bwavo imbiri wetsimoni tsitsyo mba; navutswa va tung'aminywe imbiri wowo; u va kolere ku inyinga yobutima bubwo.

Jeremia 26:16

Hene yaho avanene navandu vosi va volera avasalisi navaprofeti: na va vola, Mundu uyu si a dukani neliitwa mba; kigira a voleye kwinye mu lieta lya Yahova Nyasaye wetu.

Jeremia 38:4

Hene yaho avanene va volera mwami, mwadza, leka mundu uyu yiitwe; kigira a vikanga budedekere ku makono gavandu velihe ava tigala mu lidala yili, noku makono gavandu vosi, ku livola lya a va voleranga makuva kuli yaga; kigira mundu uyu si a saaviranga avandu yava ubulahi mba, navutswa a va saaviranya kivi.

Matayo 26:66

Mu lola ndi? Ni va tivula, ni va vola, Nu bulahi a kudze.

Yohana 18:30

Va tivula, ni va mu volera, Mundu uyu a vula kuva mudamano, nkano si ku mu leti imbiri wowo.

Yohana 19:7

Avayuda va mu tivulira, Kwinye ku veye nelilaga, kandi ku lilaga zana nu bulahi a kudze, kigira yekola Mwana wa Nyasaye.

Vikolwa 22:22

Kandi va huliridza kuduka ku likuva yilyo; ma va ginga myoyo gyavo ni va vola, Twulidza uyu mu lirova: si bu li bulahi a ve mwoyo.

Kwidzulitsa 18:20

Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

Vakalagi 6:30

Hene yaho avasatsa velidala yilyo va volera Joashu, U lete mwana wowo, a kudze, kigira u tsomi hasi ubwali bwa Baal, kandi kigira u temagi misala gyemisambwa gya li himbi nabwo.