Jeremia 26:10 - KITABU KITAKATIFU

¹⁰ Ma lwa vanene va Yuda va hulira inkuva yiyi, vanegira kutwula mu inyumba yomwami nokwingira mu inyumba ya Yahova; na vikala mu bwingiriru bwekiribwa kihya kyenyumba ya Yahova.

Jeremia 26:10 ပူးပေါင်းရင်းမြစ်များ

2 Avami 15:35

Navutswa hadiguluku ha vula kutwulidzwa: avandu va li ni va ki haananga vihaanwa nokuvuyidza vimuli hadiguluku. Naye yombaka kiribwa kyegulu kyenyumba ya Yahova.

2 Kyetsinyinga 27:3

Na yombaka kiribwa kyegulu kyenyumba ya Yahova, na yombaka ligali ku lugaga lwa Ofeli.

Jeremia 20:2

Ma Pashuri ya kuya Jeremia muprofeti, na a mu boha mu mikatale gya li ha zana mu kiribwa kyeluhya kya Benjamini, kya li mu inyumba ya Yahova.

Jeremia 26:21

Na Jehoiakim mwami, halala navandu avaluviriri veve vosi, navanene veve vosi, lwa va hulira makuva gege, mwami yenya kumwiita; navutswa Uria lwa ya hulira, ya tia ni yiruka, na a tsia Egepeti:

Jeremia 26:24

Navutswa mukono gwa Ahikam mwana wa Shafan gwa li halala na Jeremia, va vule kumbika mmakono gavandu kumwiita.

Jeremia 34:10

Navanene vosi navandu vosi va hulira likuva yilyo, yavo ava li ni vivika mu lilagana yilyo, mundu sa mulala a leke mutugwa wewe muyai, nomutugwa wewe mukana, u mboholole, ha ta va nomundu u va tuga kali mulala; va hulira likuva yilyo nokuvaleka avaboholole:

Jeremia 34:19

avanene va Yuda, navanene ve Yerusalemi, nevitsiri, navasalisi, navandu vosi avekivala vosi va vita hagati hevidonye vyombi vyekimoli;

Jeremia 36:10

Kunangwa inyinga yeyo Baruku ya soma mu kitabu makuva ga Jeremia mu inyumba ya Yahova, mu inyumba ya Gemaria mwana wa Shafan mung'odi, mmugidze gwegulu, ha bwingiriru bwekiribwa kihya kyenyumba ya Yahova, mmatu gavandu vosi.

Jeremia 36:25

Navutswa Elinathan na Delaia na Gemaria va goonya mwami a vule kusamba lilinga lyekitabu; navutswa si ya bugirira kuvahulira mba.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Ezekieli 22:6

Henza avanene va Israeli, sa mulala kuli tsingulu tsitsye tsi veye va li mu ive kutahidza masahi.