Jeremia 25:34 - KITABU KITAKATIFU

³⁴ Mu kupe tsikwili, mwinye avayi, mu lire; mu galagale mu ligoke, mwinye avobunyali vekyayo; kigira madiku geliitwa lyenyu ga duki ligali, na gelisalanywa lyenyu, na mu la gwa kuli kiju kyokuyanzidza.

Jeremia 25:34 ပူးပေါင်းရင်းမြစ်များ

2 Kyetsinyinga 36:10

Na lwa muhiga gwi rana mwami Nebukadinezaru ya tuma vatumwa, na ya mu hila Babuloni, halala neviju vyobuguli budinyu vyenyumba ya Yahova, na yamehidza Zedekia amwavo wewe ku Yuda na Yerusalemi.

Zaburi 2:9

U la va shonolannya nempimbo yekivya; U la vononnya kuli isiongo yomulongi.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 2:16

noku mato gosi ga Tarshishi, noku tsing'a no tsyosi tsi yanzeka.

Isaya 30:14

Na a latanya ha zana kuli kiju kyomulongi kwatanyangwa, kwatannywa vijonjo bugira livererera; kuduka si ki la loleka mu vijonjo vyakvo uluju lulala lu duka kwanzala muliru, kinga kudaha madzi mu kidaho.

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Isaya 34:6

Ki vavi kya Yahova kizuye masahi, ki komeridziywi nobunolu, namasahi gavana vamagondi netsimbuli namaguta getsimbigu tsyamagondi makole: kigira Yahova a veye nekihaanwa ha Bozra, na liita linene mu kivala kya Edom.

Isaya 34:7

Na tsing'ombe tsyombulimu tsi la sulunguta halala navo, netsirahu, netsigiriki: nekivala kyavo ki la hambika masahi, na lugukyi lwavo lu la nulidzwa nevinolu.

Jeremia 18:22

Na lilira li hulirwe li twulanga mu tsinyumba tsyavo, lwa u leta lihe kuvo nonoho: kigira va yavi bogo kung'umira, na va visi mitego kutega virenge vyange.

Jeremia 22:28

Mundu uyu Konia a veye kiju kyokulegwa kyatannywa? A veye kiju si ha veye nowo kusangala nakyo? Kigira ki va sigiswa kyova uyu nekisukululwi kikye, nokusigiswa mu kivala kya va ta manya?

Jeremia 23:1

Bayaye ku avayi avononnya nokusalannya magondi gekyayo kyange Yahova a vola.

Jeremia 25:12

Na ga la duka, lwa mihiga makumi gatano na gaviri gyi tweka, inze nda ha mwami wa Babuloni, na ihiri zana amageli, kigira ubudamano bwavo, na kivala kya Vakalidei, Yahova a vola; nda ki kola ki ve kyerekazozo.

Jeremia 25:23

na Dedan, na Tema, na Buzu, na vosi ava vege amatsava;

Jeremia 25:36

Gu veye mwoyo gwolukwili lwavayi, nemyoyo gyelitsunwa gya avobunyali vekyayo kigira Yahova wononyi ubwayiru bwavo.

Jeremia 27:7

Na tsihiri tsyosi tsi la tumekira uyu, nomwana wewe, nomwisukulu wewe kuduka ku madiku gekivala kikye ga duka: hene yaho tsihiri tsinyingi navami vanene va la mu tuga a va tumekire.

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Jeremia 48:26

U mu hambikidze; kigira yekuminya mwene ku Yahova: Moabu a la galagala mu maluuki gege, naye a la sekererwa.

Jeremia 48:38

Igulu ku tsinyumba tsyosi ha Moabu noku mahasi galyo ha veye nelisyoma hosi: kigira inze mmali kwononnya Moabu kuli kiju ki ta yandzidzanga kyononnyangwa, Yahova a vola.

Jeremia 50:27

Tsing'ombe tsitsye tsyosi mu tsiite; tsi sulungute mu kenyenyero: O bayaye kuvo kigira lidiku lyavo li duki li veye lidiku lyelihenzwa lyavo.

Jeremia 6:26

O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

Lisyoma lya Jeremia 4:21

U yanze, u sangale, O mukana wa Edom, u menya mu kivala kya Uzu: Kikombe ki la vita kuduka ku ive; u la hambika, nokwenavula kuva kyahonyo.

Ezekieli 34:20

Kigira yaga Mwami Nyasaye a va volera ndi: Henza, yee, inze, nda kalaga hagati hamagondi manetu namagondi mang'afu.

Danyeli 11:8

Kandi avanyasaye vavo, na vifwananyi vyavo, vyelisalulwa, na viju vilahi vyavo vyefetha nevyethahabu, a la vi lanya nokuvihila mu Egepeti; kandi mihiga gyi duki, a legaya ku mwami wa kasikasini.

Hosea 8:8

Israeli u mireywi: kalunu a veye mu tsihiri kuli kiju ki ta yanzidzanga.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Zekaria 10:3

Ubutima bwange bwaaki ku avayi, na nda kalagira tsikole; kigira Yahova wa mahe a henzanga kyayo kikye, inyumba ya Yuda, na a la va kola va ve kuli iparasi yeye indahi inyinga yobulwani.

Zekaria 11:3

Mwoyo gwelikupa tsikwili gwa avayi kigira ubukumi bwavo bwononnyeywi: mwoyo gwelifwuma lyeving'ang'a visoleli kigira luyai lwa Yordani lwononnyeywi.

Yakobo 5:5

Mu menyi nobwelemeridzi mu lirova, nokumenya noluyai; mu komeridzi myoyo gyenyu mu lidiku lyokuyaywa.