Jeremia 25:3 - KITABU KITAKATIFU

³ Kutwula ku muhiga gwelikumi negyivaka gwelyameha lya Josia mwana wa Amoni, mwana wa Yuda, kuduka lero, mihiga makumi gaviri na gyivaka, likuva lya Yahova li duki ku inze, na nda volera mwinye, ni mbuka mabwebwe nokuvola; navutswa mwinye si mu huliye.

Jeremia 25:3 ပူးပေါင်းရင်းမြစ်များ

Litanga 22:3

Na Abrahamu ya vuka mabwebwe, na yaala ku isukiri vyokwikala ku, na a hila avasoleli veve vaviri, na Isaka mwana wewe; kandi ya syaga tsinku tsyekihaanwa kyokusambwa na a twula na a tsia ha Nyasaye ya li kumuvolera.

1 Avami 22:3

No mwami wa Israeli ya volera ava tumwa veve, Si mu manya lidala lya Ramothugileadi li veye lyetu, na kwinye ku kiring'ane, ku vule kulitwulidza mu mukono gwomwami wa Siria?

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

2 Kyetsinyinga 24:19

Na vutswa ya tuma vaprofeti kuvo kuvirannya ku Yahova; na va lolekidza kuvo: navutswa va vula kuva hulira.

2 Kyetsinyinga 34:1

Josia ya li wemihiga gyitano na gyivaka lwa ya tanga kwa meha; na yameha mihiga makumi gavaka na mulala mu Yerusalemi.

2 Kyetsinyinga 34:3

Kigira ku muhiga gwegyi tano na gyivaka gwelyameha lilye, lwa ya li na a kikiri muyai, ya tanga kwenya Nyasaye wa guga wewe Daudi; noku muhiga gwelikumi na gyiviri ya tanga kutakasa Yuda na Yerusalemi, kutwulidza hadiguluku, nemisala gyamisambwa, nevifwananyi vya vadzwa, nevifwananyi vyo kwelonga.

2 Kyetsinyinga 34:8

Kuduka ku muhiga gwelikumi na gyitano na gyivaka gwelyameha lilye, lwa ya mala kutakasa kivala nenyumba, ya tuma Shafan mwana wa Azalia, na Maaseia mutwe gweli dala, na Joa mwana wa Joahazu mung'odi wetsinyinga, kudigulula inyumba ya Yahova Nyasaye wewe.

2 Kyetsinyinga 36:15

Na Yahova, Nyasaye wavaguga vavo, ya hila kuvo avatumwa veve, ya wka mmabwebwe kuvatuma, kigira ya vererera avandu veve, na ha bume nyo hehe:

Zaburi 81:13

O nkano avandu vange va mbulire, Na Israeli nkano va gende mu tsinzira tsyango

Kutwula 8:20

Na Yahova ya volera Musa, U vuke mugamba mabwebwe, na u singire imbiri wa Farao; henza, a twulanga kutsia ku amadzi; na u la mu volera, Yahova a vola ndi, U lakule avandu vange va tsie kuntumekira.

Isaya 55:2

Kigira ki mu tungange if e tha ku ki ta veye kyokulia? Nokutunga miyinzi gyenyu ku yikyo ki vula kwigutidza? Mu hulire inze nobugulu, mu lie ki veye kilahi, na myoyo gyenyu gyi sangale mu bunolu.

Jeremia 1:2

wa makuva ga Yahova ga duka kuye mu amadiku gelyameha lya Josia mwana wa Amoni, mwami wa Yuda, ku muhiga gwelikumi nagyivaka gwelyameha lilye.

Jeremia 11:7

Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 25:4

Yahova ya tuma ku mwinye ava tumwa veve vosi avaprofeti, na a vuka mabwebwe na a va tuma (navutswa mwinye si mu huliye, si mu tegidzi amatu genyu kuhulira),

Jeremia 26:5

kuhulira makuva gavatumekiri vange avaprofeti, ava ntuma ku mwinye, ni mbuka mabwebwe nokuvatuma, navutswa mwa vula kumbulira;

Jeremia 29:19

kigira si va hulira makuva gange mba, Yahova a vola, aga nda tumira avatumwa vange avaprofeti, kuvavolera, ni mbuka mmabwebwe nokuvatuma navutswa si mwa bugirira kuhulira Yahova a vola.

Jeremia 32:33

Va nkupi migongo gyavo, va vuli kumannya mmoni mwavo ku inze kali ni nda vegidza, ni mbuka mmabwebwe kuvegidza, navutswa va vula kuhulira va nyole amegidzo.

Jeremia 35:14

Makuva ga Jonadabu mwana wa Rekabu, aga ya laga avans veve, va vule kunwa iwaini, ga dukidzeywi; nokuduka lero si va nwedzanga mba, kigira va hulira lilaga lya guga wavo. Navutswa mboleye mwinye, ni mbuka mabwebwe nokuvola; na si mu mbuliye mba.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 36:1

Na ga duka ku muhiga gwa gyine gwelyameha lya Jehoiakim mwana wa Josia, mwami wa Yuda, likuva yili lya duka ku Jeremia kutwula ku Yahova, kuvola,

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 44:4

Navutswa nda tuma ku mwinye avatumekiri vange vosi ava profeti, ni mbuka mabwebwe nokuva tuma, ni mbola, O, mu ta kola kivihiri yiki kya ndunyiranga.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:25

Kutwula ku lidiku lyavaguga venyu va twula mu kivala kya Egepeti kuduka lidiku lya lero, ndetanga ku mwinye avatumwa vange vosi avaprofeti, ni mbu ka mabwebwe nokuvatuma:

Ezekieli 33:4

he ne yaho mundu ku vosi u hulira mwoyo gwekisiliva, na a vula kubugirira ligerehidzwa, nekivavi ni ki duka kumutwulidza, masahi gege ga la va ku mutwe gwigwe mwene.

Zekaria 1:4

Mu ta va kuli avadada venyu va li, avaprofeti vokutanga va va gambira, ni va vola, Yahova wa mahe a vola yaga, Mwirane kalunu mu leke tsinzira tsyenyu tsindamano na vikolwa vyenyu vidamano, mu vi leke: navutswa si va hulira, kandi si va mbulira, Yahova a vola.

Marko 1:35

Mugamba ya vuka na a twula mabwebwe ligali, na a tsia ha vandu a va ta li, na a saalira ho.

Yohana 8:2

Ya kivira mugamba na a tsia mu litempeli, kandi avandu va tsia kuye vosi; naye yikala na a vegidza.

Yohana 8:47

U veye ku Nyasaye a hulira amakuva ga Nyasaye: mwinye si mu hulira kigira si mu veye ku Nyasaye.

2 Timoteo 4:2

wilwadze likuva; u dinye ku mu tsinyinga tsindahi nomu tsinyinga tsi ta li tsindahi; u gaye, u gondokere, u ganehidze nobwikudziri bwosi nelyegidza.