Jeremia 25:10 - KITABU KITAKATIFU

¹⁰ Kandi kuvita yaga, nda va nuula mwoyo gwobusangali, nomwoyo gwobuyanzi, mwoyo gwa u seriye nomwoyo gwomwiha mwoyo gwetsing'ina, nobulavu bwolumuli.

Jeremia 25:10 ပူးပေါင်းရင်းမြစ်များ

Esther 3:13

Na tsibaruwa tsya hilwa netsiposti ku duka mu tsiprovinse tsyosi tsyomwami, kwononya, kwiita, nokudi vidza, Avayuda vosi, avasoleli na vasakulu, avana navakali, ku lidiku lilala, nalyo ni lidiku lyelikumi na gavaka lyomweli gwelikumi na gyi viri, gu veye mweli gu langwa Adari, nokuvugula vindu vyavyo vi ve vilanye.

Esther 7:4

kigira ku gulangwa, inze na avandu vange, kwononywa, nokwiitwa, nokudiva. Navutswa ni ku va ni ku gulwa kuva avatugwa avasatsa navakali, nda kiring'ana, kali uyu musigu nkano si ya nyala kutunga lyoneka lyomwami a la nyola.

Esther 8:11

Mu tsibaruwa zana, mwami ya ha Avayuda ava li mu madala gosi, munwa kuvugana halala, nokusingirira livamwoyo lyavo, nokwononnya, nokwii ta, nokudividza, tsingulu tsyosi tsya vandu naveprovinse avenya kuva twulira, navana vavo, na avakali vavo, nokuvugula ubutugi bwavo kuva vilanye,

Isaya 47:2

Vugula lugina u sie ubusie, twulidza ingubo yemoni yoyo, tandula lukigiti lwengubo, vimbula kirenge kikyo, vita mu migera gyamadzi.

Jeremia 16:9

Kigira Yahova wa mahe, Nyasaye wa Israeli, a vola: Henza, imbiri wetsimoni tsyenyu, nomu madiku genyu, inze nda heridza hano mwoyo gwobusangali, nomwoyo gwesango, mwoyo gwa u sereye nomwoyo gwomwiha.

Jeremia 48:33

Busangali nobuyanzi bu twulidzeywi mu mulimi gwamanga nomu kivala kya Moabu, na inze nda kaminya iwaini mu vyokumina: si ha veye na uyu u duvaga halala nelihanzuka; lihanzuka si li la hanzukwa mba.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Lisyoma lya Jeremia 5:15

Ubuyanzi bwomwoyo gwetu bufweye; Ubukino bwetu bu girunkani kuva lisyoma.

Ezekieli 26:13

Na nda heridza myoyo gyetsinyimbu tsitsyo, na myoyo gyobukana bubwo si gyi la hulirwa kandi mba.

Hosea 2:11

Kandi nda kola ubusangali bwibwe bwosi bu duke kuhera, namasavo gege agokulonda mweli, na masabato gege, namavugano gege matakatifu.