Jeremia 24:5 - KITABU KITAKATIFU

⁵ Yahova, Nyasaye wa Israeli, a vola ndi: Kuli amakuyu malahi yaga ga veye, ni ndiyo ndi lola avahambe va Yuda, ava nda twulidza hano kutsia mu kivala kya Vakalidei, kuvakolera bulahi.

Jeremia 24:5 ပူးပေါင်းရင်းမြစ်များ

Zaburi 119:67

Lwa nkikiri kusaliridzwa nda gendagenda; Navutswa kalunu ng'umiranga likuva lilyo.

Zaburi 119:71

Ga veye malahi ku inze kusaliridzwa; Nduke kwegidzwa amalago gogo.

Jeremia 24:4

Na likuva lya Yahova lya duka ku inze, kuvola,

Jeremia 29:11

Kigira mmanya tsiganagani tsya nganagananga ku mwinye, Yahova a vola, tsi veye tsiganagani tsyemirembe, si tsi veye tsiganagani tsyobudamano mba, kumuha kisuuviri mmadiku genyu gekiheri.

Jeremia 29:20

Kunangwa kigira yaga mu hulire likuva lya Yahova, mwinye vosi ava veye ku buhambe, ava nda hila Babuloni kutwula Yerusalemi.

Jeremia 29:4

Yahova wa mahe, Nyasaye wa Israeli, a volera avandu yavo vosi, ava hilwa mbuhambe, ava nda kola va hilwe mbuhambe kutwula Yeru salemi va tsia Babuloni.

Ezekieli 11:17

Kunangwa, u vole, Mwami Nyasaye a vola ndi: Nda mu vungidza mu twule mu avandu, nda mu vugannya halala mu twule mu vivala vya mwa salannywa mu, na nda mu ha kivala yiki kya Israeli.

Ezekieli 11:20

va duke kugenda mu malago gange, nokugumira miima gyange nokugyikola: na va la va avandu vange, na inze nda va Nyasaye wavo

Kyavalevi 26:44

Navutswa ku yaga gosi, lwa va veye mu kivala kya vasigu vavo, inze si nda va sula ligali, kandi si nda va lega, kuduka va dividzwe ligali, nokwononya lilagana lyange navo; kigira inze mbeye Yahova Nyasaye wavo;

Nahum 1:7

Yahova a veye mulahi, a veye impinga ku lidiku lyekivi; a manya yava ava suuvira kuye.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Matayo 25:12

Navutswa ya tivula na a vola, Ligali mmu volera, si mmu manya mba.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 8:3

navutswa ku vosi mundu na a yanza Nyasaye, uyu a manyekana imbiri wewe.

Vagalatia 4:9

navutswa kalunu ni mu mali kumanya Nyasaye, navutswa kindu kinene Nyasaye na a mali kumanya mwinye, ga veye ndi mwinye kwirana kandi mu megidzo ku matsyambiri amadedekere agobudaka, aga mwenya kugwa avatugwa vago kandi?

Kwidzulitsa 8:16

wa ku lageridza maana mu kyangalangwi, ya vaguga venyu va vula kumanya; a duke kukugehidza, a duke kukugeridza, a duke kukukolera bulahi mu kiheri kikyo:

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.