Jeremia 24:10 - KITABU KITAKATIFU

¹⁰ Na nda tuma kivavi, nenzala, nobulwaye, hagati havo, kuduka va dividzwe ligali mu kivala kya nda va ha na vaguga vavo.

Jeremia 24:10 ပူးပေါင်းရင်းမြစ်များ

1 Avami 14:15

Kigira Yahova a la kuya Israeli, kuli kidundu ki hunzulanyangwa mmadzi; na a liha Israeli kumutwulidza mu kivala kilahi yiki kya ya ha vaguga vavo, na a la va salanya engereka wo Mugera, kigira va lomba misala gyemisambwa gyavo, kuvihiriridza Yahova.

Isaya 51:19

Vindu yivi vyombi vi ku gwiye; ni bwaha u li vererera ive? Lyeseganwa nobwo neku, nenzala, nekivavi; nda ku lemi nya mwoyo kuli ndi?

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 15:2

Na ga la duka, lwa va ku volera, Ku la twula kutsia haliha? Hene yaho u la va volera, Yahova a vola: Ava ng'odwa ku likudza, va la tsia kukudza; na va ng'odwa ku kivavi, va la tsia ku kivavi; na va ng'odwa ku inzala, va la tsia ku inzala, na va ng'odwa ku lilanywa, va la va lilanya.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 19:7

Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

Jeremia 21:9

Uyu u menya mu lidala yili a la kudza nekivavi, nenzala nobulwaye; navutswa uyu u twula nokwivika ku Vakalidei ava kumbiridza mwinye, a la hona, nelivamwoyo lilye li la va kilanye kuye.

Jeremia 27:8

Na ga la duka, ihiri yeyo nobwami yibwo bu sula kutumekira mwami Nebukadinezaru wa Babuloni, yavo ava sula kuvika magoti gavo isi wenira yomwami Nebukadinezaru, ihiri yiyi, Yahova a vola, nda gi ha mageli, nekivavi, nenzala, nobulwaye, kuduka lwa mmala kuvadividza nomukono gwigwe.

Jeremia 29:17

Yahova wa mahe a vola: Henza, nda tuma kuvo kivavi, nenzala, nobulwaye, na nda va kola kuva kuli makuyu madamano, ga ta libwa, ku liva lya ga veye madamano.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 32:24

Henza, vitumi, vya dukidzwa ku lidala va duke ku li vugulanelidala lya vikwa mmakono ga Vakalidei va lwananga nalyo, kigira kivavi, nenzala, nobulwaye; na ga wa vola ga dukidzeywi; henza, ive u ga lolanga.

Jeremia 32:25

Na ive, O Mwami Nyasaye, u mali kumbolera, Wegulire mulimi nefetha, nokulanga avaloli; halala na yaga lidala li vikeywi mmakono ga Vakalidei.

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 42:17

Ni ndiyo ga li va ku avandu yavo vosi ava li henzidza mmoni mwavo kutsia Egepeti kumenya yo; va la kudza nekivavi, nenzala, nobulwaye; si ha veye nomundu kali mulala kuvo u li tigala king kuhona ku budamano bwa ndi leta kuvo.

Jeremia 42:22

Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Jeremia 9:15

kunangwa kigira yaga Yahova wa mahe, Nyasaye wa Israeli, a vola ndi, Elenza, nda lehidza avandu yava, yee, avandu yava nda va lehidza kilulu, na nda va ha amadzi gobusungu kunwa.

Jeremia 9:16

Nda va salannya hagati hetsihiri, tsya yavo kinga vaguga vavo va wla kumanya; nda hila kivavi ki va londe inyima wavo kuduka lwa mba dividza ligali.

Ezekieli 33:27

U la va volera yaga, Mwami Nyasaye a volera mwinye ndi: Kuli inze mbeye mwoyo, ligali yavo ava veye aha lekwa kuva kyanyi, va la gwa ku kivavi, na uyu u veye mmulimi habulavu nda mu haana ku tsinyam? A duke kumirwa; na yavo ava veye mu tsimpinga nomu tsimbangaywa va la kudza kigira bulwaye.

Ezekieli 6:11

Mwami Nyasaye a vola: Kong'onda nomukono gugwo, kandi duya hasi nekirenge kikyo, u vole, O bayaye kigira kivihiri kidamano kyosi kyenyumba ya Israeli: kigira va la gwa ku kivavi, nenzala, nobulwaye.

Ezekieli 7:15

Kivavi ki veye kyova, nobulwaye nenzala vi veye mugati: u veye kyova mu mulimi a la kudza nekivavi; na u veye mu lidala, inzala nobulwaye bu la mu lia.

Kwidzulitsa 28:21

Yahova a la ku hambanya ku iplegi, a luhe a ku l dividze mu kivala, kya wingira mu kukigumira.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.