Jeremia 24:1 - KITABU KITAKATIFU

¹ Yahova ya ndolekidzira, henza, vihinda viviri vyamakuyu vya vikwa imbiri welitempeli lya Yahova; inyima wa Nebukadirezaru mwami wa Babuloni ya hila mbuhambe Jekonia mwana wa Jehoiakim, mwami wa Yuda, navanene va Yuda, halala navasidza navatuuli, kutwula Yerusalemi, nokuvaleta Babuloni.

Jeremia 24:1 ပူးပေါင်းရင်းမြစ်များ

2 Avami 24:10

Inyinga yeyo avatumekiri wa Nebukadinezaru mwami wa Babuloni vanegira kutsia Yerusalemi, nelidala lya kumbiridzwa.

2 Kyetsinyinga 36:10

Na lwa muhiga gwi rana mwami Nebukadinezaru ya tuma vatumwa, na ya mu hila Babuloni, halala neviju vyobuguli budinyu vyenyumba ya Yahova, na yamehidza Zedekia amwavo wewe ku Yuda na Yerusalemi.

Isaya 13:1

Ubuliduhu bwa Babuloni bwa Isaya mwana wa Amozu ya lola.

Jeremia 13:19

Madala ga Kusini ga haneywi, si ha veye nomundu wigula: Yuda u hileywi mbuhambe vosi; li hileywi mbuhambe ligali.

Jeremia 27:20

vya Nebukadinezaru mwami wa Babuloni va vula kuhila, lwa ya hila Jekonia mwana wa Jehoiakim, mwami wa Yuda, mbuhambe, kutwula Yerusalemi kutsia Babuloni, navandu avanene vosi ava Yuda na va Yerusalemi;

Jeremia 28:4

na nda leta kandi hano Jekonia mwana wa Jehoiakim, mwami wa Yuda, halala navahambe vosi va Yuda, ava tsia Babuloni, Yahova a vola; kigira inze nda vunannya inira yomwami wa Babuloni.

Jeremia 29:1

Yaga nigo makuva ga ibaruwa yomprofeti Jeremia ya hila kutwula Yerusalemi kuduka ku vatigala ku vakulundu avombuhambe, noku vasalisi, noku vaprofeti, noku avandu vosi, ava Nebukadinezaru ya hila mbuhambe kutwula Yerusalemi na a tsia navo Babuloni

Jeremia 29:2

(inyima we litwula Yerusalemi lya Jekonia mwami, na mama womwami, nevitsiri, navanene va Yuda na Yerusalemi na vasidza, na vatuuli),

Jeremia 37:1

Inyinga yeyo Zedekia mwana wa Josia yameha mbugono bwa Konia mwana wa Jehoiakim, wa Nebukadirezaru mwami wa Babuloni yamehidza mu kivala kya Yuda.

Ezekieli 17:4

ya tema tsisonga tsyetsisya tsyagwo, lulala lwesonga yegulu, ya lu hila mu kivala kyo kugulannya; ya lu vika mu lidala lya yavo avogulannya.

Ezekieli 19:9

Na va mu vika mu buhambe netsinzago, na va mu hila kuduka ku mwami wa Babuloni; na va mu vika mu impinga, mwoyo gwigwe gu vule kuhulirwa kandi mu vigulu vya Israeli.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Amosi 7:1

Mwami Nyasaye ya mbuulira yili: na, henza, ya lomba tsisigi mu litanga lyelisibuka lyenyima; na, henza, lya li limera inyima welitimula lyomwami.

Amosi 7:4

Mwami Nyasaye ya mbuulira yili: na, henza, Mwami Nyasaye ya langa kuhing'ana nomuliru; nagwo gwa samba luliva lunene, kandi gwenya kusamba kivala kyumu.

Amosi 7:7

Mwami Nyasaye ya mbuulira yili: na, henza, Yahova ya singira ku lidigi lyombakwa neligera lyeplum, na ya li nomugoye gwe iplum mmukono gwigwe.

Zekaria 1:20

Na Yahova ya mmannya avasidza vane.

Zekaria 3:1

Naye ya mmannya Joshua musalisi munene a singiranga imbiri wa ingelosi wa Yahova, na Setani ya singira ha mukono mulungi gwigwe kuva muhangalidzi wewe.