Jeremia 23:6 - KITABU KITAKATIFU

⁶ Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 23:6 ပူးပေါင်းရင်းမြစ်များ

1 Avami 4:25

Na Yuda na Israeli va menya bulahi, sa mulala isi womuzabibu gwigwe na isi womukuyu gwigwe, kutwula Dan kuduka Beersheba, madiku gosi ga Solomoni.

Zaburi 45:5

Mibano gyigyo gyi veye miyugi; Avetsihiri va gwidza isi wowo; Gyi veye mu mwoyo gwavasigu vomwami.

Kutwula 9:26

Mu kivala kya Goshen kyeng'ine, kya avana va Israeli va li mukyo, si ha li nembula yamagina.

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 32:1

Henza, umwami a lameha mu bulungi, navanene va lameha nelikalaga.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 33:5

Yahova a kuminywa; kigira a menyanga igulu: wizulitsa Zioni nelikalaga nobulungi.

Isaya 35:9

King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 54:17

Si ha veye nekiju kya lombwa kuhing'ana nive ki li gasidzwa; noku tsinimi tsyos; lu li vuka ku ive mu likalaga ive u la lu kalagira lu ve lwa mahyolo. Yigyi ni miyandu gya yavo avatumekiri va Yahova, nobulungi bwavo bu twulanga ku inze, Yahova a vola.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 29:11

Kigira mmanya tsiganagani tsya nganagananga ku mwinye, Yahova a vola, tsi veye tsiganagani tsyemirembe, si tsi veye tsiganagani tsyobudamano mba, kumuha kisuuviri mmadiku genyu gekiheri.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 33:15

Mmadiku yago, nenyinga yeyo, nda sebukidzira Daudi Kisibu kyobulungi; naye a la kola likalaga nobulungi mu kivala yiki.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Ezekieli 21:27

Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu.

Ezekieli 28:26

Na va la menya nemirembe mukyo; yee, va lombaka tsinyumba, nokusimika milimi gyemizabibu, na va la menya nemirembe, lwa inze mmali kukalaga ku yavo ava va leganga ava va kumbiridza; na va la manya inze mbeye Yahova Nyasaye wavo.

Ezekieli 38:14

Kigira yaga, ive mwana womundu, profeta, u volere Goga, Mwarni Nyasaye a vola ndi: Mu lidiku yilyo lwa avandu vange Israeli va menya nemirembe, si u la manya makuva yaga?

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Danyeli 9:7

O Mwami, ubulungi bu veye bubwo, navutswa ubweluliri bwommoni bu veye bwetu, kuli ga veye lero; ku avandu ve Buyuda, noku avamenya mu Yerusalemi, noku Vaisraeli vosi, ava veye himbi na ava veye ihale, mu vivala vyosi ava ive wa ku kunga kuduka muvyo, kigira mahyolo gavo ga va hyola ku ive.

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Obadia 1:17

Navutswa mu kigulu kya Zioni va la va ho ava honanga, na ki la va kitakatifu; na inyumba ya Yakobo va la vugula miyandu gyavo.

Obadia 1:21

Navahonnyi va lanegira ku kigulu kya Zioni kukalagira kigulu kya Esau; nobwami bu la va bwa Yahova.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.

Varumi 3:22

yibwo nobulungi bwa Nyasaye bu veye ku lisuuvira mu Yesu Kristo ku vosi ava suuviranga, kigira si ha veye nelyavukana.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira: