Jeremia 23:39 - KITABU KITAKATIFU

³⁹ kigira yaga, henza, ndivirira mwinye ligali, na nda mu ta ihale, halala nelidala lya nda ha mwinye navaguga venyu, mu twule imbiri wommoni mwange:

Jeremia 23:39 ပူးပေါင်းရင်းမြစ်များ

Litanga 4:16

Na Kaini ya twula imbiri wa Yahova, na a menya mu kivala kya Nodu, ki veye ivugwe wa Edeni.

Litanga 6:17

Kandi inze, henza, inze ndesanga amadzi manene ku lirova kudividza vyemibiri vyosi vi veye nomwika gwelivamwoyo muvyo vi twule isi weligulu; vyosi vi veye ku lirova vi la kudza.

2 Avami 23:27

Yahova ya vola Nda twulidza Yuda kandi a twule imbiri wetsimoni tsyange, kuli nda twulidza Israeli, na nda ta lidala yili lya nda tovola, Yerusalemi, nenyumba ya nda vola makuva gayo, Lieta lyange li la va ho.

Zaburi 51:11

U ta nsyuva ntwule imbiri wowo; Kandi u ta twulidza ku inze Roho Mutakatifu wowo.

Tsing'ano 13:13

Ku vosi u leganga likuva a letanga ubwoneku ku mwene; Navutswa uyu u tidzanga lilaga a la hebwa madanyi.

Isaya 48:15

Inze, yee, inze mwene, mmali kuvola; yee, mmali kumuanga; mmali kumuleta, naye a la gaiidza inzira yeye.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Jeremia 12:7

Inze mmali kuleka inyumba yange, nteye miyandu gyange; na mukali muyanze womwoyo gwange mmu viki mu makono gavasigu veve.

Jeremia 23:33

Kandi avandu yava, kinga avaprofeti, kinga musalisi, lwa va ku teva, nokuvola, Musigo gwa Yahova gu veye ki? Hene yaho u la va volera, Musigo gu li ha? Nda mu ta ligali, Yahova a vola.

Jeremia 23:38

Navutswa ni mu vola, Gu veye musigo gwa Yahova; kigira yaga Yahova a vola: Kigira mu vola likuva yili, Gu veye musigo gwa Yahova, ndeti mutumwa ku mwinye, kumuvolera yaga, Mu ta vola, Gu veye musigo gwa Yahova;

Jeremia 35:17

kigira yaga Yahova Nyasaye wa mahe, Nyasaye wa Israeli, a vola: Henza, nda leta ku Yuda noku vosi avamenyi Yerusalemi ubudamano bwosi bwa nda vola kuvo; kigira mba voliye, navutswa navo si va huliye mba; mba langi navo si va bugiriye mba.

Jeremia 36:31

Na inze nda mu ha mageli, uyu nekisukululwi kikye navatumekiri veve kigira bu damano bwavo; na nda leta kuvo, noku vamenyanga Yerusalemi, noku avandu va Yuda, ubudamano yibwo bwosi bwa nda vola kuvo; navutswa si va bugirira kumbulira mba.

Jeremia 52:3

Kigira ku ubutima bwa Yahova vindu yivi vya duka ku Yerusalemi noku Yuda kuduka va va ta va vule kuva imbiri wommoni mwimwe. Na Zedekia yebaala ku mwami wa Babuloni.

Jeremia 7:14

kigira yaga nda kolera inyumba yiyi i langwa ku lieta lyange, ya mu suuvira ku, na hango hano ha nda ha mwinye navaguga venyu, kuli nda kolera Shilo.

Jeremia 7:15

Na nda mu ta mu twule imbiri wetsimoni tsyange, kuli wa nda ta avamwavo venyu, kali kisukululwi kyosi kya Efiraim.

Lisyoma lya Jeremia 5:20

Kigira ki u kwiviriranga madiku gosi; Nokukuleka inyinga yiyi intambi?

Ezekieli 34:11

Kigira Mwami Nyasaye a vola ndi: Henza, inze mwene, yee, inze, ndenya magondi gange, nokuganyola.

Ezekieli 34:20

Kigira yaga Mwami Nyasaye a va volera ndi: Henza, yee, inze, nda kalaga hagati hamagondi manetu namagondi mang'afu.

Ezekieli 5:8

kigira yaga Mwami Nyasaye a vola: Henza, inze, kali inze mbeye musigu ku ive; na nda kola likalaga hagati hoho imbiri wetsihiri.

Ezekieli 6:3

u vole, Mwinye vigulu vya Israeli, mu hulire likuva lyo Mwami Nyasaye: Mwami Nyasaye a volera vigulu notugulu, nemigera namavona: Henza, inze, kali inze, nda leta kivavi ku mwinye, nokwononnya hadiguluku henyu.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Hosea 5:14

Kigira nda va kuli king'ang'a ku Efiraim, na kuli king'ang'a kisoleli ku inyumba ya Yuda: inze, yee, inze mwene nda tandula na nda tsia; nda hila ihale, na si ha veye no nyaia kuhonnya.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,