Jeremia 23:3 - KITABU KITAKATIFU

³ Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 23:3 ပူးပေါင်းရင်းမြစ်များ

Zaburi 106:47

U ku honnye, O Yahova Nyasaye wetu, U ku vungidze kutwula mu tsihiri, Ku santidze lieta lilyo litakatifu, Na ku guute mu lidzominywa lilyo.

Jeremia 16:15

navutswa, likuva yili li la volua, Kuli Yahova a veye mwoyo wa leta avana va Israeli kutwula ku kivala kya kasikasini, nokutwula mu vivala vyosi vya ya vadikidzira mu. Na nda va leta kandi mu kivala kyavo avene, kivala kya nda ha avaguga vavo.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 31:7

Kigira Yahova a vola ndi, Mwimbire Yakobo nobusangali, mu gingire umunene wetsihiri tsyosi mwoyo: mu landidze makuva, mwidzominye, mu vole, O Yahova u honnye avandu vovo, litigala lya Israeli.

Jeremia 31:8

Henza, nda va leta kutwula mu kivala kya kasikasini nokuvavungidza kutwula ku tsintulu tsyelirova, na halala navo avaboku navalema, nomukali u veye inda, na uyu a lumangwa, vosi halala: va la va kiduma kinene ava lirana yino.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 46:27

Navutswa u ta tia mba, O Yakobo mutumekiri wange, kandi u ta timuka inkolo, O Israeli: kigira, henza, nda ku honnya kutwula ihale ligali, nekisukululwi kikyo ki twule mu kivala kyobutugwa bwakyo; na Yakobo a lirana, naye a lehodzeridza nokusosa, kandi si ha veye nowoku mutihidza.

Jeremia 50:19

Na nda leta kandi Israeli mu kya yiru kikye, naye a laya ku Karimeli na Bashan, nomwoyo gwigwe gu li guta mu vigulu vya Efiraim nomu Gileadi.

Jeremia 8:3

Na yavo ava tigala ku bwiko budamano yibu va la tovola likudza imbiri welivamwoyo, hosi ha nda va hila, Yahova wa mahe a vola.

Ezekieli 11:17

Kunangwa, u vole, Mwami Nyasaye a vola ndi: Nda mu vungidza mu twule mu avandu, nda mu vugannya halala mu twule mu vivala vya mwa salannywa mu, na nda mu ha kivala yiki kya Israeli.

Ezekieli 36:11

na nda meda ku mwinye avandu nemitugu; navo va la medeka nokwivula, na nda kola ha menywe navandu kuli liva lyenyu lyoku matsvambiri, nokukolera mwinye ubulahi kuvita litanga lyenyu lyoku matsyambiri: na mu la manya inze mbeye Yahova.

Ezekieli 36:24

Kigira nda vugula mwinye hagati hetsihiri, na nda mu vungidza kutwula mu vivala vyosi, na nda mu leta mu kivala kyenyu avene.

Ezekieli 36:37

Mwami Nyasaye a vola ndi: Kandi kigira inkuva yiyi inyumba ya Israeli i la teva inze, mba kolere: nda va meda navandu kuli kyayo kyamagondi.

Kyavalevi 26:9

Na nda yekidza ku mwinye tsimoni tsyange, nokumuha lwivulu lunyingi, nokumumeda, nokusingeridza lilagana lyange na mwinye.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 7:12

Mu lidiku yilyo va ladza ku ive, kutwula Asuria namadala ga Egepeti, noku twula Egepeti kuduka ku Mugera, kandi kutwula ku inyanza yiyi kuduka ku inyanza yiyi, nokutwula ku kigulu yiki kuduka ku kigulu yiki.