Jeremia 23:29 - KITABU KITAKATIFU

²⁹ Likuva lyange si li veye kuli muliru? Yahova a vola; kandi kuli inyundu yatanyannga ligina?

Jeremia 23:29 ပူးပေါင်းရင်းမြစ်များ

Jeremia 20:9

Ni mbola, Si nda mu tala kandi, kandi si nda vola kandi ku lieta lilye, ma ga veye mu mwoyo gwange kuli umuliru gwaakanga gwa bofwa mu vigumba vyange, na nduhi kwekudzira si nyala kweyaya.

Jeremia 5:14

Kunangwa kigira yaga Yahova, Nyasaye wa mahe, a vola ndi, Kigira mu vola likuva yili, henza, nda kola makuva gange mu munwa gugwo kuva muliru, navandu yava va la va tsinku, na muliru zana gu la va samba.

Hosea 6:5

Kigirayaga mmali kuvavadza navaprofeti; mmali kuviita namakuva gomunwa gwange: neli kalaga lilyo li veye kuli ubulavu bu ng'ereng'ana kyova.

Luka 24:32

Ni va volerana, Myoyo gyetu si gya liaaka mu kwinye lwa ya ku volera ku inzira, na a ku vuulira mang'oda?

Yohana 6:63

Ni roho gu haana livamwoyo; inyama yomubiri si i konya kindu: amakuva ga mmu voleye ga veye roho, kandi livamwoyo.

Vikolwa 2:3

Kandi tsya loleka kuvo tsinimi tsyavukani kuli muliru; tsikala kuvo sa mulala sa mulala.

Vikolwa 2:37

Lwa va hulira yaga, va tumitwa mu myoyo gyavo, ni va volera Petro navatumwa avandi, Avamitu, ku kola ndi?

2 Vakorintho 2:16

ha luvega lulala mwayu kutwula ku likudza kuduka ku likudza; ha luvega lundi mwayu kutwula ku livamwoyo kuduka ku livamwoyo. Kandi ibwaha a dukana nevindu yivi?

Vahebraina 4:12

Kigira likuva lya Nyasaye li veye mwoyo, kandi li veye netsingulu, kandi li veye nobwogi kuvita kivavi kyobwogi ku vyosi tsimbega tsyombi, kandi li tumitanga kuduka kwavukannya mwoyo na roho, nevyungu nobuhaali, kandi li veye liyangu ukumanya tsiganagani nobulaliri bwomwoyo.

Likunula 11:5

Kandi ku vosi mundu ni yenya kuvononnya, muliru gu twula mu minwa gyavo nokulia avasigu vavo; kandi ku vosi mundu ni yenya kuvononnya ga mu dukira yiitwe ndiyo.