Jeremia 23:28 - KITABU KITAKATIFU

²⁸ Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Jeremia 23:28 ပူးပေါင်းရင်းမြစ်များ

1 Timoteo 1:12

Inze nsantidzanga uyu wa mpa tsingulu, naye ni Kristo Yesu Mwami wetu, kigira ya mbolera kuva musuuvirifu, ni ya mbika mu butumwa bwibwe;

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.

Luka 12:42

Naye Mwami ya vola, Ibwaha ni mulindi mulahi nomugeeri, womwami wewe a li vika ku avenyu mba yeye kuvaha vyokulia vyavo vya kase?

Matayo 24:45

Mutugwa mulahi nomugeeri ni bwaha, womwami wewe a vika a ve munene wenyumba yeye, kuvaha vyokulia vyavo vyetsinyinga tsi duka?

Tsing'ano 14:5

Muloli musuuvirifu si a la vola ububehi mba; Navutswa muloli mbehi a volanga makuva gobubehi.

1 Vakorintho 4:2

Hano kandi genyangwa avalindi va lolwe kuva avasuuvirifu.

Jeremia 9:12

Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Jeremia 23:25

Mmali kuhulira ga avaprofeti va vola, ava profetanga bubehi mu lieta lyange, ni va vola, Ndoti amaloto, Ndoti amaloto.

Jeremia 42:4

Hene yaho muprofeti Jeremia ya va volera, Inze mbuliye mwinye; henza, nda saala Yahova Nyasaye wenyu kuli makuva genyu; kandi ga la va ku vyosi vya Yahova a mu tivulira, inze ndilwadzira mwinye; si ndigalira ku mwinye kindu kali kilala mba.

Ezekieli 13:3

Mwami Nyasaye a vola, O bayaye ku yavo avaprofeti avasiru, ava londanga roho gwavo avene, na va vula kulola kindu

1 Avami 22:14

Ma Mikaiya ya vola, Kuli Yahova a veye mwoyo, kya Yahova a mbolera, nikyo kya mbola.

1 Avami 22:16

Mwami ya mu volera, Inze nkwisuhidze hali kanga u vule kumbolera likuva kali lilala, navu tswa ageligali ku lieta lya Yahova?

Isaya 21:10

O ive wa inze nda huula, na u veye ubuswage bwo lodze lwange yaga ga mbulira ga twula ku Yahova wa mahe, Nyasaye wa Israeli, nzilwadzeye ive.