Jeremia 23:25 - KITABU KITAKATIFU

²⁵ Mmali kuhulira ga avaprofeti va vola, ava profetanga bubehi mu lieta lyange, ni va vola, Ndoti amaloto, Ndoti amaloto.

Jeremia 23:25 ပူးပေါင်းရင်းမြစ်များ

Litanga 37:5

Na Yosefa ya lota liloto, naye ya volera avamwavo veve: navo va meda lidunya kuye.

Litanga 37:9

Naye ya lota liloto lindi, na a volera avamwavo veve, na a vola, Henza, Ndoti liloto lindi; na henza, liuva na mweli na tsing'ereng'ani likumi ne indala vya sigamira inze.

Zaburi 139:2

Ive u manya likala lyange na lisingira lyange; Ive u manya tsiganagani tsyange ihale.

Zaburi 139:4

Kigira si ha veye nelikuva mu lulimi lwange, Navutswa ive O Yahova, u li manya lyosi.

Jeremia 13:27

Inze ndola livihiriridza lilyo, kali ubuheyi bubwo, ne lilang'ana lilyo na makuva madamano agamalaya gogo, mu tugulu mu milimi. O bayaye ku ive Yerusalemi si wenya kutakaswa; vindu yivi vi la tsitsagil'la kuduka inyinga ki?

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 16:17

Kigira tsimoni tsyange tsi lolanga tsinzira tsyavo tsyosi; si va visika mmoni mwange, kandi ubudamano bwavo si bu la visika imbiri wetsimoni tsyange.

Jeremia 23:28

Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Jeremia 27:15

Kigira inze si nda va tuma mba, Yahova a vola, navutswa va profeta ububehi ku lieta lyange; nduke kutwulidza mwinye, na mu dive, mwinye, navaprofeti ava mu profetera.

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 29:8

Kigira Yahova wa mahe, Nyasaye wa Israeli, a vola: Mu ta bugirira avaprofeti ava veye hagati henyu, na vasegetiri, va mu gade; kandi mu ta hulira maloto genyu ga mu lotanga.

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 22:28

Avaprofeti veve va buuye uhudohi bwa vula kuduvulwa bulahi, kigira yavo, va lolanga malola ga vutswa, nokumannya busegetiri bwobubehi, ni va vola, Mwami Nyasaye a vola ndi na ndi, lwa Yahova ya vula kuvola kindu.

Joeli 2:28

Na ga la va lwenyima, nda tsuka Roho wange ku avandu vosi; na avana venyu avayai navakana va la profeta, na avakulundu venyu va la lota maloto, na avasoleli venyu va la lola malola:

Zekaria 13:3

Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Matayo 1:20

Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

Luka 12:3

Kigira yaga ku gosi aga mwa vola mu kisundi ga la hulirwa ha bulavu; naga mwa monyana ha gutu mu bwasi ga lilwadzirwa ku visegese.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.