Jeremia 23:2 - KITABU KITAKATIFU

² Kunangwa Yahova Nyasaye wa Israeli, a vola ndi, ku avayi avayanga avandu vange: Mu salannyi kyayo kwange, nokugakunga, na si mu tsiye kugo; henza, nda leta ku mwinye ubudamano bwevikolwa vyenyu, Yahova a vola.

Jeremia 23:2 ပူးပေါင်းရင်းမြစ်များ

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Jeremia 10:21

Ki gira avayi va gwiye kuli tsinyama, si va tevanga ku Yahova: kigira yaga si va gasidzwa, na vyayo vyavo vyamagondi vyosi vi salani.

Jeremia 11:22

kigira yaga Yahova wa mahe a vola, Henza, nda ha avandu yava mageli: avayai avasoleli va la kudza ku kivavi; avayai vavo navakana va la kudza nenzala;

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 13:20

Mu ginge tsimoni, mu henze avatwulanga kasikasini; kyayo kikyo kya wa hebwa ki veye haliha, kyayo kikyo kilahi?

Jeremia 13:21

U la vola ki ive lwa a vika yavo kuva mutwe ku ive, wa ive mwene u vegidza va ve avalina vovo? Ubusaliri si bu la ku gumira kuli mukali u veye mu lilumwa lilyei

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 23:34

Noku makuva gomprofeti, nomusalisi, navandu, lwa va vola, Gu veye musigo gwa Yahova, inze nda ha mundu uyu amageli nenyumba yeye.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 5:29

Si ga ndukira kuvanza kisalya ku vindu kuli yivi? Yahova a vola; mwoyo gwange si gu levanzira kisalya ku ihiri kuli yiyi?

Jeremia 5:9

Si ga ndukira kuvanza kisalya ku vindu kuli yivi? Yahova a vola; mwoyo gwange si ndevanzira kisalya ku ihiri i veye kuli yiyi?

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Ezekieli 34:5

Nago ga salannywa yiyi na yiyi, kigira si ha li nomwayi; nago ga li vyokulia vyetsinyama tsyosi tsyomwigendanyama, na ga salannywa yiyi na yiyi.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Mika 7:4

Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.

Zekaria 10:3

Ubutima bwange bwaaki ku avayi, na nda kalagira tsikole; kigira Yahova wa mahe a henzanga kyayo kikye, inyumba ya Yuda, na a la va kola va ve kuli iparasi yeye indahi inyinga yobulwani.

Zekaria 11:16

Kigira, henza, nda singeridza mwayi mu kivala, u li vula kutsia kuhenza yavo avagoti, kinga kwenya avasalannywa, kandi si a la honya avononnywa, kinga kulagiridza ava veye avalamu; navutswa a la lia inyama yomubiri gwomukomeru, nokutandula tsimbagayu tsyavo.

Matayo 25:36

nda li kyahonyo, na mwinye mwa mbika; nda li mulwaye, na mwinye mwadza kundola; nda li muhambe, na mwinye mwadza kundola.

Matayo 25:43

nda li mgeni, si mwa nkonya mba; nda li kyahonyo si mwa mbika mba; nda li mulwaye kandi muhambe, si mwadza kundola mba.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.