Jeremia 23:19 - KITABU KITAKATIFU

¹⁹ Henza, kihi kya Yahova, ki veye ubutima bwibwe bwomuliru, bu twuli, yee, ki veye kihi kyekihudzudzi: ki la hudukira ku mitwe gyavadamano.

Jeremia 23:19 ပူးပေါင်းရင်းမြစ်များ

Zaburi 58:9

Lwa vifuria vyenyu vi kikiri kuhulira uluva lwa mafwa A la ga hila nekihudzudzi, vivisi na vyumu halala.

Tsing'ano 1:27

Lwa ubutii bwenyu bu duka kuli kihi, Na kivi kyenyu kidzanga kuli kihudzudzi, Na lidambidzwa lyenyu na ubusaliri bwenyu vi duka ku mwinye.

Tsing'ano 10:25

Kihudzudzi ni ki mali kuvita mudamano si a veye ho kandi, Navutswa wobulungi a veye muse gwa madiku gosi.

Isaya 21:1

Ubuliduhu bwekyagalangwi kye nyanza. Kuli vihudzudzi vya Kusini vi vitanga hagati, bu twula mu kyangalangwi, nomu kivala kyelitihidza.

Isaya 40:24

Yee, va vula kusimikwa; yee, va vula kumidzwa; yee, kitinya kyavo si ki hili imiri hasi: halala na yaga a va herera mwika, navo va nialanga, nekihudzudzi ki va twulidzanga kuli luvuva.

Jeremia 25:31

Lwanga lu la duka ku kiheri kyelirova; kigira Yahova a veye nelihing'ana netsihiri, a lingira mu likalaga navemibiri vosi: ku makuva gavadamano, a la va haana va ve ku kivavi, Yahova a vola.

Jeremia 25:32

Yahova wa mahe a vola, Henza ubudamano bu la twulira ihiri yiyi kuduka ihiri yiyi, na kihi kinene ki la vukidzwa kutwulira ku tsimbega tsyekiheri tsyelirova.

Jeremia 30:23

Henza, kihi kya Yahova, livola li veye, ubutima bwibwe bwomuliru, bu twuli, ki veye kihi kya tunnyanga: ki la hudukira ku mitwe gyavadamano.

Jeremia 30:24

Ubutima bululu bwa Yahova bu la vula kwirana, kuduka lwa a mala likola, kuduka lwa a twekidza lisaavira lyomwoyo gwigwe: mu madiku gekiheri mu la manya yaga.

Jeremia 4:11

Inyinga yeyo avandu yava na Yerusalemi va la volerwa likuva yili, Imbuudza yoluya i twulanga hadiguluku nomu kyangalangwi ku luvega lwo kuhenza ku mukana wavandu vange, si i veye imbuudza yokusesa, kinga; imbuudza yokutakasa

Jeremia 51:1

Yahova a vola ndi: Henza, nda vukidza ku Babuloni, noku va menyanga ha Lebi-kamai, imbuudza i sambulanga.

Ezekieli 1:4

Na nda lola, henza, imbuudza yekihudzudzi ya twula ku luvega lwa kasikasini, lilesi linene, halala nomuliru gwolumemo lwa gumirana, nobung'ering'anu bwa kumbiridza tsimbega tsyosi, na hagati hagwo ha li nekindu kuli ubwakanyu bwekivya, hagati homuliru zana.

Ezekieli 13:13

Kigira yaga Mwami Nyasaye a vola: Inze nda li tandula nekihi mu ubutima bwange: kandi ha la va nembula yizulanga amadzi namagina manene gembula mu livihirirwa kulidividza ligali.

Amosi 1:14

Navutswa nda fwana muliru mu lidigi lya Raba, na gu la samba tsinyumba tsyalyo tsyobwami, halala nokukupa uluku mu lidiku lyobulwani, halala nekihi mu lidiku lyekihudzudzi;

Zekaria 7:14

navutswa nda va salannya nembuudza yekihudzudzi hagati hetsihiri tsyosi tsya va vula kumanya. Ni ndiyo kivala yikyo kya li hatswa inyima wavo, kya duka kuva bugira mundu kali mulala wa vita hagati hakyo kinga wirana: kigira va kola hatswa kivala kya yanzidzangwa ligali.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.