Jeremia 23:16 - KITABU KITAKATIFU

¹⁶ Yahova wa mahe a vola, Mu ta hulira amakuva ga vaprofeti ava profeteranga mwinye: va mwegidzanga amakuva ga vutswa: va volanga malola gemyoyo gyavo avene, si ga li aga twulanga mmunwa gwa Yahova mba.

Jeremia 23:16 ပူးပေါင်းရင်းမြစ်များ

1 Avami 22:11

Na Zedekia mwana wa Kenaana ya lomba tsinziga tsyekivya, na a vola, Yahova a vola, U la sindika Avasiria na yitsi, kuduka va dividzwe vosi.

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

2 Kyetsinyinga 18:5

Hene yaho mwami wa Israeli ya vungidza ava profeti, avandu tsimia tsine na a va teva, Ku tsie Ramothugileadi ku bulwani, naho ku vule kutsia? Na va vola, Yanegira, u tsie; kigira Nyasaye a la li vika mu mukono gwomwami.

Tsing'ano 19:27

Mwana wange, u sule kuhulira amegidzo Agononyannga makuva gelimanya.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 2:5

Yahova a vola, Avaguga venyu va loli ubukyamu ki mu inze, kuduka ni va tsia ihale ku inze, nokulonda vindu vya vutswa, navo va gwa avavutswa?

Jeremia 23:21

Si nda tuma vaprofeti yava, navutswa va nyagula; si nda va volera navutswa va profeta.

Jeremia 23:26

Makuva yaga ga la va mu myoyo gyavaprofeti ava profetanga bubehi kuduka inyinga ki, kali avaprofeti vobugadi bwemyoyo gyavo?

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 29:8

Kigira Yahova wa mahe, Nyasaye wa Israeli, a vola: Mu ta bugirira avaprofeti ava veye hagati henyu, na vasegetiri, va mu gade; kandi mu ta hulira maloto genyu ga mu lotanga.

Jeremia 9:12

Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Lisyoma lya Jeremia 2:9

Viribwa vivye vya sikira hasi; ya dividza nokuvunannya miluguyu gyavyo; Mwami wewe na vanene veve va veye mu tsihiri tsyelilaga li ta veye mutsyo; Yee, avaprofeti veve si va lolanga malola ga twulanga ku Yahova.

Ezekieli 13:16

li vola li veye, avaprofeti va Israeli ava profeta ku makuva ga Yerusalemi, na ava lola malola gemirembe ku makuva galyo, si ha veye nemirembe, Mwami Nyasaye a vola.

Ezekieli 13:23

kigira yaga si mu la lola aga vutswa yago kandi mba, kinga kusege tera ubusegetiri: na nda honnya avandu vange ku makono genyu: na mu la manya inze mbeye Yahova.

Ezekieli 13:3

Mwami Nyasaye a vola, O bayaye ku yavo avaprofeti avasiru, ava londanga roho gwavo avene, na va vula kulola kindu

Ezekieli 13:6

Va lola vindu vya vutswa, nobusegetiri bwobubehi, yavo ava volanga, Yahova a vola, na Yahova si ya va tuma mba: navo va kola avandu kusuuvira likuva yili li la dukidzwa.

Ezekieli 22:28

Avaprofeti veve va buuye uhudohi bwa vula kuduvulwa bulahi, kigira yavo, va lolanga malola ga vutswa, nokumannya busegetiri bwobubehi, ni va vola, Mwami Nyasaye a vola ndi na ndi, lwa Yahova ya vula kuvola kindu.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Varumi 1:21

Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.