Jeremia 23:14 - KITABU KITAKATIFU

¹⁴ Ku vaprofeti va Yerusalemi ndoli kandi kindu kyokumbihiriridza: va kola ubuheyi, nokugenda mu bubehi; nokuvika tsingulu mmakono ga yavo ava kola bmlamano, kmluka si ha veye nomundu wirana nokuleka ubudamano bwibwe: vosi va gwiye kuli Sodoma ku inze, na va menya mulyo va gwive kuli Gomora.

Jeremia 23:14 ပူးပေါင်းရင်းမြစ်များ

Litanga 13:13

Na avandu va Sodoma va li avadamano ligali, na va kola, ubwoni munonono imbiri wa Yahova.

Litanga 18:20

Kunangwa Yahova ya vola, Ligali lilira lya Sodoma na Gomora li veye linene, na ligali, ubwoni bwavo bu veye bunene ligali;

Litanga 19:24

Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

Litanga 19:25

na a dividza madala yaga na Kereremu kyosi, navo vosi avomu madala yaga, na vyosi vya mera ku lirova.

Isaya 9:15

Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 18:13

Kunangwa kigira yaga Yahova a vola: Mu teve kalunu mu tsihiri yitsyo, ni bwaha wa hulira makuva gevindu kuli yivi; mukana mugima wa Israeli u koli inkuva yokuvihiridza Iigali.

Jeremia 20:16

Mundu uyu a ve kuli amadala ga Yahova ya tung'aminya, na a vula kweganira: a hulire lilira mugamba, neliyoga lyekivihiri mbasu hagat;;

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 23:22

Navutswa ni va va ni va singira mu likuva lyange, hene yaho nkano va kola avandu vange kuhulira amakuva gange, nokuvagirunkannya va leke tsinzira tsyavo tsindamano, nokuleka ubudamano bwelikola lyavo.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 29:21

Yahova wa mahe, Nyasaye wa Israeli, a vola ndi, ku makuva ga Ahabu mwana wa Kolaia, noku makuva ga Zedekia mwana wa Maaseia, ava profetera mwinye ububehi mu lieta lyange: Henza, nda va vika mmukono gwa Nebukadirezaru mwami wa Babuloni; naye a la viitira imbiri wetsimoni tsyenyu;

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 49:18

Kuli ga li mu litung'aminywa lya Sodom na Gomora namadala ga li himbi nago, Yahova a vola, si ha veye nomundu u menya yo, kandi si ha veye nomwana womundu kali mulala u menya mulyo mugeni.

Lisyoma lya Jeremia 4:6

Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.

Ezekieli 13:16

li vola li veye, avaprofeti va Israeli ava profeta ku makuva ga Yerusalemi, na ava lola malola gemirembe ku makuva galyo, si ha veye nemirembe, Mwami Nyasaye a vola.

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Ezekieli 22:25

Ha veye nelihambana lyobwebaali lyavaproieti veve hagati hehe, kuli king'ang'a ki fwumanga nokutandula vihimwa: va mali kumira myoyo gyavandu; va vugula akiba nevindu vyobuguli budinyu; va medi livalidzwa lyavakunzakali veve hagati hehe.

Hosea 6:10

Ndoli kindu kidamano mu inyumba ya Israeli: ha zana malaya ga nyoleki mu Efiraim, na Israeli vononnyeywi.

Amosi 4:11

Avalala ku mwinye nda va tung'aminya, kuli lwa Nyasaye ya tung'aminya Sodoma na Gomora, na mwa duka kuva kuli isese ya vugulwa kutwulidzwa mmuliru gwaakanga: navutswa si mu galuki ku inze, Yahova a vola.

Mika 1:5

Kigira li hyolo lya Yakobo yaga gosi ga veye ho, na kigira ubwoni bwenyumba ya Israeli. Lihyolo lya Yakobo li veye ki? Si li veye Samaria? Kandi hadiguluku ha Yuda ni kindu ki? Si ha veye Yerusalemi?

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Zekaria 13:2

Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala.

Malaki 1:1

Yibu ni buliduhu bwelikuva lya Yahova lya ng'odu a ku Israeli nomukono gwa Malaki.

Matayo 11:24

Navutswa mmu volera bu la va bulahi ku kivala kya Sodoma mu lidiku lyelikalaga, kuvita bubwo.

Kwidzulitsa 32:32

Kigira muzabibu gwavo gu veye muzabibu gwa Sodoma Nogwemilimi gya Gomora: Mazabibu gavo ga veye mazabibu gobusungu Nevisaganyi vyavo vi veye vilulu:

1 Timoteo 4:2

ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

2 Petro 2:6

Na ya girunkannya madala ga Sodoma na Gomora ga gwe ligoke, ya ga kalagira ubudivi bwelitung'aminywa, na a ga kola kilolekidzu kuvo va li menya nelivula kutia Nyasaye;

Yudasi 1:7

Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.

Likunula 11:8

Imibiri gyi kudzi gyavo gyi gona ku inzira yelidala linene, ku lugano lwa roho li langwa Sodoma ne Egepeti, kandi ho Mwami wavo ya bambwa.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.