Jeremia 23:12 - KITABU KITAKATIFU

¹² Kunangwa kigira yaga inzira yavo i la va kuvo kuli ha va terera mu kisundi: va la komololwa va tsia imbiri nokugwa muyo; kigira inze nda leta ubudamano kuvo, li vola li veye, muhiga gwelidukirwa lyavo, Yahova a vola.

Jeremia 23:12 ပူးပေါင်းရင်းမြစ်များ

Ayubu 18:18

A la kungwa kutwula mbulavu a tsie mkisundi Nokukungwa a twule mu lirova.

Zaburi 35:6

Inzira yavo i ve nekisundi nobuterere Na ingeiosi wa Yahova a va kunganga.

Zaburi 73:18

Ligali ive u va viki ha buterere: U va tsomanga hasi mbwoneku.

Zaburi 82:5

Si va manya, kandi si va manyiridza; Va gendanga yiyi na yiyi mu kisundi: Mise gyosi gyelirova gyi degeridzwa.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Tsing'ano 4:19

Inzira yomudamano i fwanananga nekisundi: Si va manya kya vikigitalidza.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 11:23

si ha la va u tigala kuvo: kigira nda leta ubuda mano ku avandu va Anathothu, livola li veye muhiga gwe lidukirwa lyavo.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 48:44

Uyu wirukanga ubutii a la gwa mbogo; na uyu u twulanga mbogo a la ha mbwa mmutego: kigira nda leta kuye livola li veye, ku Moabu, muhiga gwelihenzwa lilye, Yahova a vola.

Jeremia 50:27

Tsing'ombe tsitsye tsyosi mu tsiite; tsi sulungute mu kenyenyero: O bayaye kuvo kigira lidiku lyavo li duki li veye lidiku lyelihenzwa lyavo.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Lisyoma lya Jeremia 2:20

Lola, O Yahova, henza, ni bwaha wa u koleye ndiyo Avakali va lie lwivulo lwavo, avana va va lera mu makono gavo? Musalisi nomuprofeti va liitirwa mu hatakatifu ha Yahova?

Mika 7:4

Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

1 Yohana 2:11

Navutswa u dunyira amwavo wewe a veye mu kisundi, kandi a genda mu kisundi, kandi si a manya wa a tsitsa, kigira kisundi kya vakulidza tsimoni tsitsye.

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.