Jeremia 23:11 - KITABU KITAKATIFU

¹¹ kigira muprofeti nomusalisi vombi va damani; yee, ndoli budamano bwavo mu inyumba yange, Yahova a vola.

Jeremia 23:11 ပူးပေါင်းရင်းမြစ်များ

2 Kyetsinyinga 33:5

Na yombakira lihe lyosi lyomigulu ubwali mu migidzi gyiviri gyenyumba ya Yahova.

2 Kyetsinyinga 33:7

Na kifwananyi kyokuvadzwa, kya ya lomba, ya ki vika mu inyumba ya Nyasaye, ya Nyasaye ya volera Daudi nomwana wewe Solo moni, Mu inyumba yiyi, nomu Yerusalemi, lya nda tovola mu tsi hiri tsyosi tsya Israeli, nda vika lieta lyange mihiga nemihiga:

2 Kyetsinyinga 36:14

Kandi mitwe gyosi gyavasalisi na gyavandu, va kola mahyolo ligali kulonda vivihiriridzi vyosi vyavatsi hiri, na vononnya inyumba ya Ya hova ya ya takasa mu Yerusalemi.

Ezara 10:18

Nomu avana vavasalisi va nyo leka ava kwa avakali vageni: ni yava, ku avana va Jeshua, mwana wa Jozadaku, navamwavo veve, Maaseia, na Eliezeru, na Jaribu, na Gedalia.

Jeremia 11:15

Kunangwa mukali muyanze wange a i veye nekidieli ki mu inyumba yange, kigira ya londa amakuva madamano halala navanyingi, na inyama intakatifu i mali kutwula ku ive? Lwa u kolanga budamano, nilwo lwa u sangalanga.

Jeremia 23:15

Kigira yaga Yahova wa mahe a vola ku makuva gavaprofeti: Henza, nda va leh dza vilulu, nokuvanwellidza indulwi: kigira ku avaprofeti va Yerusalemi lidamano li twuli kwingira mu kivala kyosi.

Jeremia 32:34

Navutswa va vika livihiriridza lyavo mu inyumba ya langwa ku lieta lyange, kugyononnya.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 7:30

Kigira avana va Yuda va kola buda mano imbiri wange, Yahova a vola: va singeridze livihiriridza lyavo mu inyumba i langwa ku lieta lyange, kuduka kugyononnya.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Lisyoma lya Jeremia 2:20

Lola, O Yahova, henza, ni bwaha wa u koleye ndiyo Avakali va lie lwivulo lwavo, avana va va lera mu makono gavo? Musalisi nomuprofeti va liitirwa mu hatakatifu ha Yahova?

Ezekieli 23:39

Kigira lwa va mala kwiita avana vavo ku vifwananyi vyavo, nonoho vingira lidiku lyene yilyo mu hata katifu hange kuhononnya, na, henza ni ndiyo va kola hagati henyumba yange.

Ezekieli 44:10

Navutswa Avalevi ava tsia ihale na inze, lwa Israeli va tsia mu livoyavoya, ava tsia mu livoyavoya kuleka inze kulonda vifwananyi vyavo; va la ginga ubudamano bwavo avene.

Ezekieli 7:20

Ku makuva gobulahi bwelyesyaha lilye, ya li vika mu bukumi: navutswa yava va kola kubwo vifwananyi velivihiriridza lyavo nevindu vyavo vyokuvihiriridza: kigira yaga nda bu kola kuva kuli kindu kidamano kuvo.

Ezekieli 8:11

Na imbiri wavyo avasatsa makumi gatano na gaviri avakulundu avenyumba ya Israeli, va singira; na hagati havo Jaazania mwana wa Shafan ya singira, sa mulala yali nekituva mmukono gwigwe; na malusu gomwoki gwevimuli ga nina igulu.

Ezekieli 8:16

Na ya mbila mu mugidzi gwomugati gwenyumba ya Yahova, henza, va li ha kiliango kyelitempeli lya Yahova, hagati holusimbu nobwali, avandu makumi gaviri na vatano va veye ho, nemigongo gyavo gya henza ku litempeli lya Yahova, nommoni mwavo mwa henza ivugwe; na va sigamiranga liuva ku luvega lwevugwe.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.