Jeremia 23:10 - KITABU KITAKATIFU

¹⁰ Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 23:10 ပူးပေါင်းရင်းမြစ်များ

Ezara 10:18

Nomu avana vavasalisi va nyo leka ava kwa avakali vageni: ni yava, ku avana va Jeshua, mwana wa Jozadaku, navamwavo veve, Maaseia, na Eliezeru, na Jaribu, na Gedalia.

Zaburi 107:34

A girunkannya kivala kyamakuyu kuva kyangalangwi kyomu nyu, Kigira ubudamano bwa yavo ava menya mukyo.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Isaya 5:18

Budamano bu ve kuvo avakwesanga budamano nemigoye gyobubehi, nokukwesa ubwoni kuli nomugoye gweligari;

Jeremia 12:11

Va ki koli kuva hatswa; ki liranga ku inze kigira ki veye hatswa; kivala kyosi ki kolwa hatswa, kigira si ha veye nomundu u ganagana likuva yili mu mwoyo gwigwe.

Jeremia 14:2

Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:12

Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Hosea 7:4

Yavo vosi va veye avaheyi; va gwiye kuli amahiga ga vikeywi mu muliru na uyu u luganga ubukima; uyu a lekanga kwigereridza muliru, kutwula ku liduvula ubusie kuduka lwa ma mera ga vimbidza.

Joeli 1:10

Mulimi gwoneki, kivala ki syomanga; kigira ubuswage bwoneki, iwaini impya yumi, na maguta ga gehi.

Kyavalevi 5:1

Ku vosi mundu na a va na a kola ubwoni, ku lihulira mwoyo gwokusuha, na a va muloli, na a va ni ya lola, kinga a manya, naye na a vula kuvuula, ma a la ginga ubudamano bwibwe mwene.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

1 Timoteo 1:10

navaheyi, navafiraji, navivanga avarldu, navabehi, navisuhanga ububehi, kandi likuva ku gosi li ta hambana namegidzo malungi;

Vahebraina 13:4

Lisererana li veye nelidzominywa ku vosi, nobugono bu ta va nobudamano: kigira ava tsia mbakana navaheyi Nyasaye a la va kalagira.

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.