Jeremia 22:8 - KITABU KITAKATIFU

⁸ Na tsihiri tsinyingi tsi la vita himbi ku lidala yili, na va la volerana sa mulala nowakye, Kigira ki Yahova ya kolera lidala linene yili kuli ndi?

Jeremia 22:8 ပူးပေါင်းရင်းမြစ်များ

Jeremia 16:10

Kandi ga la duka, lwa u mannya avandu yava makuva yaga gosi, navo ni va ku teva, Yahova ya vola ubudamano yibu bunene ku kwinye kigira ki? Budamano bwetu bu veye ki? Na bwoni bwetu bwa kwa kolera Yahova Nyasaye wetu bu veye ki?

Jeremia 40:2

Munyampara wavalindi ya vugula Jeremia, na a mu volera, Yahova Nyasaye wowo ya vola budamano yibu hano;

Jeremia 40:3

Yahova ya bu leta, na ya kola kuli ya vola; kigira mwa kola ubwoni ku Yahova, na si mwa hulira mwoyo gwigwe mba, kunangwa kigira yaga inkuva yiyi i duke ku mwinye.

Lisyoma lya Jeremia 4:12

Avami velirova si va suuvira, kinga vosi ava menyanga mu lirova Mudambidzi na musigu nkano va kingira mu viribwa vya Yerusalemi.

Ezekieli 12:16

Navutswa nda leka avandu vakekeke kuvo va hone ku kivavi, noku inzala noku bulwaye; va duke kulandidza mu tsihiri ha va tsia kivihiri kyavo kyosi; na va la manya inze mbeye Yahova.

Ezekieli 14:23

Na va la leminya myoyo gyenyu, lwa mu lola tsinzira tsyavo nelikola lyavo: na mu la manya si nda kola bugira kivune yago gosi aga nda kola mulyo, Mwami Nyasaye a vola.

Ezekieli 39:23

Na tsihiri tsi la manya inyumba ya Israeli yadikidzwa kutsia mbutugwa kigira ubudamano bwavo; kigira va kola amahyolo ku inze, na nda visa mmoni mwange kuvo: ma nda va vika mu makono gavasigu vavo, navo va gwa ku kivavi vosi.

Ezekieli 5:15

Ni ndiyo yaga ga la va amanyego neki henyahenye, nemegidzo, neligenya, ku tsihiri tsya kumbiridza ive, lwa ndi kalaga hagati hoho mu butima nomu livihirirwa, nomu ligondokera lyomuliru (inze, Yahova mmali kuvola yaga);

Danyeli 9:7

O Mwami, ubulungi bu veye bubwo, navutswa ubweluliri bwommoni bu veye bwetu, kuli ga veye lero; ku avandu ve Buyuda, noku avamenya mu Yerusalemi, noku Vaisraeli vosi, ava veye himbi na ava veye ihale, mu vivala vyosi ava ive wa ku kunga kuduka muvyo, kigira mahyolo gavo ga va hyola ku ive.