Jeremia 22:5 - KITABU KITAKATIFU

⁵ Navutswa ni mu vula kuhulira amakuva yaga inze nzisuhanga ku mwoyo gwange Yahova a vola, inyumba yiyi i la va hatswa.

Jeremia 22:5 ပူးပေါင်းရင်းမြစ်များ

Litanga 22:16

na a vola, Ndisuha ku inze mwene, Yahova a vola, kigira u koli inkuva yiyi, kandi si u nyimi mwana wowo, mwana muderwa wowo,

2 Kyetsinyinga 7:19

Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

2 Kyetsinyinga 7:21

Na inyumba yiyi i manyekani ku vosi u vitanga ahimbi kuyo i la mu gennya, naye a la vola, Kigira ki Yahova a koli ndi kivala yiki nenyumba yiyi?

2 Kyetsinyinga 7:22

Navo va la tivuia, Ga veye kigira va leka Yahova, Nyasaye wavaguga vavo, wa va twulidza mu kivala kya Ege peti, nokugumira avanyasaye vandi, kuvasigamira, nokuvatumekira: ki gira yaga ya leta kuvo ubudamano yibu bwosi.

Zaburi 95:11

Kigira yaga ndisuha mu butima bwange, Si va lingira mu bwelemeridzi bwange.

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Jeremia 12:7

Inze mmali kuleka inyumba yange, nteye miyandu gyange; na mukali muyanze womwoyo gwange mmu viki mu makono gavasigu veve.

Jeremia 17:27

Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.

Jeremia 26:4

Na u la va volera, Yahova a vola ndi: Ni mu va ni mu vula kumbulira, kugenda mu lilaga lyange, lya nda vika imbiri wenyu,

Jeremia 39:8

Avakalidei va samba inyumba yomwami, halala netsinyumba tsyavandu, nomuliru, na va sasugula madigi ga Yerusalemi.

Jeremia 44:26

Kigira yaga mu hulire likuva lya Yahova, mwinye Avayuda mwosi ava mu menyanga mu kivala kya Egepeti: Henza, nzisuhi ku lieta lyange linene, Yahova a vola, lieta lyange si li la talwa kandi mu munwa gwomundu kali mulala u veye wa Yuda mu kivala kyosi kya Egepeti, kuli livola, Kuli Mwami Yahova a veye mwoyo.

Amosi 6:8

Mwami Nyasaye wesuhira, Yahova, Nyasaye wa mahe, a vola: Mbihirirwa luyai lwa Yakobo, nokudunyira tsinyumba tsyobwami tsitsye; kunangwa nda twulidza lidala halala na vyosi vi veye mulyo.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.

Matayo 23:38

Henza, inyumba yenyu i tigaye ku mwinye yoneki.

Vahebraina 3:18

Ka ndi ni bwaha ava yisuhira, va tingira mu bwelemeridzi bwibwe, si va li yavo ava vula kuhulira?

Vahebraina 6:13

Kigira lwa Nyasaye ya ha Abrahamu lisuuviridzwa, kigira si ha li nomunene wa mu vita wokwisuha, yeyisuha mwene,

Vahebraina 6:17

Ku likuva yili, Nyasaye ya lalira kumannya ligali kuvita avemiyandu ava li lia miyandu gyelisuuviridzwa, kuli amakuva gege ga ta veye neligirunkana, ya vika lyesuha hagati havo;